Orvar Bergmark

Orvar Bergmark
Statsborgarskap	Sverige
Fødd	16. november 1930 Skellefteå
Død	10. mai 2004 (73 år) Örebro
Yrke	fotballspelar, bandyspelar, fotballtrenar
Orvar Bergmark på Commons

Ernst Orvar Bergmark (16. november 1930–10. mai 2004) var ein svensk fotballspelar, bandyspelar og landslagstrenar i fotball frå Bureå i Västerbottens län. Bergmark vann sølvmedaljar i VM i både bandy og fotball. Han spela 94 landskampar i fotball og var sidan landslagstrenar for Sverige 1966-70.

Karriere

Fotball

Bergmark flytta til Örebro og spela Örebro SK frå 1948 til 1962, bortsett frå 1955-sesongen, då han var aktiv for AIK Stockholm. Åra 1962-64 var han knytt til AS Roma i Italia, men spela berre to seriekampar, ettersom det berre var lov å stille med tre utanlandske spelarar på laget.

Bergmark debuterte for Sveriges fotballandslag i 1951, og var rimeleg fast høgreback dei neste elleve åra. Under VM i fotball 1958 på svensk heimebane var han med å spele Sverige fram til finalen på Råsunda stadion, der det vart tap 2-5 mot Brasil. Same sesongen vart han tildelt «Guldbollen» som den beste svenske fotballspelaren i 1958. Bergmark spela sin 94. og siste landskamp då Noreg den 21. juni 1962 vart slått 2-0 i ein EM-kvalifiseringskamp på Ullevål stadion, samstundes debuterte Olav Nilsen for Noreg.

Bergmark var landslagstrenar for Sverige landslag i fotball 1966-70, og leia såleis laget under VM i Mexico i 1970.

Bandy

Bergmark spela seks SM-finalar i bandy for Örebro SK. Vinteren 1955 vann han sitt fyrste svenske meisterskap, sidan vann klubben meisterskapane i 1957 og 1958. Han spela 20 landskampar i bandy for Sverige.

Kjelder

• Denne artikkelen bygger på «Orvar Bergmark» frå Wikipedia på tysk, den 27. april 2013.

Wikipedia på tysk oppgav desse kjeldene:

• 1958 - året med många vinnare Arkivert 2008-09-16 ved Wayback Machine., bt.se
• 1958: Orvar Bergmark, Örebro SK, aftonbladet.se
• Orvar Bergmark (1949–65), orebro-sk.se