Otorohanga

Frå Wikipedia – det frie oppslagsverket
Gå til: navigering, søk
Otorohanga District
Otorohanga Territorial Authority.PNG
Otorohanga District
Otorohanga is located in New Zealand
Land: Flag of New Zealand.svg New Zealand
Region: Waikato
Urbant område Namn Otorohanga City
Folketal 2 589[1]
Distrikt Namn Otorohanga Territorial Authority
Folketal 9 075[1]
Flatevidd 2 063,44 km2
Avgrensing Sør til Waitomo District, nordaust til
Waipa District, nordvest til Waikato District,
vest til Tasmanhavet (ved Kawhia Harbour)
Regionstyre Namn Waikato Regional Council
Folketal ved folketeljinga i 2006
Kjelde: Statistics New Zealand

Otorohanga er ein by i King Country i den sørlege delen av regionen WaikatoNordøyaNew Zealand. Det er ein tenestestad for det omliggjande jordbruksområdet som baserer seg på mjølkeproduksjon. Ved folketeljinga i 2006 var folketalet 2 589, ein nedgang på 42 frå 2001[1]

Byen ligg 53 km sør for Hamilton og 18 km nord for Te Kuiti, ved elva Waipa River.

Otorohanga har eit aviarium, Otorohanga Kiwi House, som hyser fleire artar kiviar, og andre stadeigne fugleartar på New Zealand, i tillegg til stadeigne krypdyr[2]. Byen er òg innfallsåra til grottene og busetnaden Waitomo Caves, som ligg om lag 15 minuttar unna og som har eit folketal kring 300. Byen har vorte kjend som Kiwianabyen på New Zealand[3].

Otorohanga District[endre | endre wikiteksten]

Otorohanga er ein del av, og sete til det styrande organet Otorohanga District Council i Otorohanga Territorial Authority (Otorohanga District). Distriktet har eit folketal på 9 075, og Otorohanga er det største senteret. Andre tettstader i distriktet er mellom anna Te Kawa og Kawhia.[1] Flatevidda til distriktet er 2 063,44 km². Otorohanga District vart oppretta i 1979.

Harrodsville[endre | endre wikiteksten]

I 1986 endra byen ei kort stund namnet sitt til til «Harrodsville». Ein forretningsdrivande i Otorohanga, med Harrod som etternamn, kalla forretningen sin «Harrod’s» , noko som førte til trugsmål om rettsleg søksmål frå Mohammed Al Fayed, eigaren av Harrod's kjøpesenter i London. Ettersom innbyggjartalet I Otorohanga var mindre enn 3000, såg folk på dette som ei svært uvenleg og uhøfleg handling[4].

Bystyret i Otorohanga svara med å offisielt endra byen sitt namn til Harrodsville, og alle lokale forretningsverksemder skifta namna sine til Harrod's. Etter at det vart skrive nidviser om dette i britiske tabloidaviser, gav Al Fayed opp å iverksetja juridiske tiltak, og Harrodsville og forretningane der tok attende dei tidlegare namna sine.

Referansar[endre | endre wikiteksten]

Bakgrunnsstoff[endre | endre wikiteksten]

Koordinatar: 38°11′S 175°12′E