Pallíni

Pallíni Lokalt namn Παλλήνη
Frå sentrum i Pallíni
Geografi
Stad	Attikí
Koordinatar	38°00′09″N 23°52′26″E
Areal	30,72 km²
Administrasjon
Land	Hellas
Periferi Periferieining	Attikí Aust-Attikí
Hovudsete	Jérakas (29 939 innb.)
Demografi
Folketal	54 415 (2011)
Folketettleik	1 849,0 /km²

Pallíni (gresk Παλλήνη) er ein kommune i dei nordaustlege forstadane til Aten i Hellas. Pallíni er administrasjonssete i periferieininga Aust-Attikí i periferien Attikí og ligg ved foten av fjellet Pendéli. Byen ligg om lag 18 km frå sentrum av Aten. Pallíni var lenge ein nokså landleg stad der jordbruk dominerte, men dei siste åra har byggjeaktiviteten og urbaniseringa vore stor, ein prosess som framleis held fram.

Administrativ inndeling

Den tidlegare kommunen Pallíni, no kommunaleininga Pallíni

Kommunen vart danna i 2011 ved at ein slo saman dei tidlegare kommunane

• Pallíni
• Anthoúsa
• Jérakas

Dei tre tidlegare kommunane er no kommunaleiningar.

Ved folketeljinga i 2011 hadde kommunen 54 415 innbyggjarar, medan kommunaleininga Pallíni hadde 22 344 og tettstaden med same namn 16 415 innbyggjarar.

Byar og tettstader

Dei største byane og tettstadene i kommunen er:

Tettstad	Kommunaleining	Folketal 2011
Jérakas	Jérakas	29 939
Pallíni	Pallíni	16 415
Leondári	Pallíni	5 929
Anthoúsa	Anthoúsa	2 134

Bakgrunnsstoff

• Offisiell heimeside

Denne geografiartikkelen er ei spire. Du kan hjelpe Nynorsk Wikipedia gjennom å utvide han.