Peter Gabriel (1980)

Peter Gabriel Studioalbum av Peter Gabriel
Utgjeve	30. mai 1980
Innspelt	1979–1980 i Bath og i the Townhouse i London
Sjanger	Eksperimentell rock, new wave, worldbeat
Lengd	45:32
Selskap	Charisma (Storbritannia), Mercury (USA), Geffen (USA, Canada)
Produsent	Steve Lillywhite
Kritikk
Allmusic PopMatters(very favorable) John McFerrin (10/10) George Starostin (10/10) Robert Christgau B- Rolling Stone Piero Scaruffi (7/10)
Peter Gabriel-kronologi
Peter Gabriel 2 (Scratch) (1978)	Peter Gabriel	Peter Gabriel 4 (Security) (1982)

Peter Gabriel er det tredje studioalbumet til Peter Gabriel. Det kom ut i 1980. Albumet inneheld to av dei mest kjende songane til Gabriel, «Games Without Frontiers» og den politiske songen «Biko» om antiarpartheidaktivisten Steve Biko.

Albumet vert ofte kalla Melt på grunn av plateomslaget av Hipgnosis. Biletet vart teken av eit Polaroid SX-70-kamera og med ein gong fiksa på av Storm Thorgerson eller Gabriel.

Soge

Den tidelgare bandkollegaen til Gabriel, Phil Collins, som tok over som vokalist i Genesis etter Gabriel, spelte trommer og syng korvokal på fleire av songane på albumet. Collins spelte trommer på «Intruder», som skal vere første gongen det vart nytta «gated reverb» som effekt på trommene. Denne effekten vart skapt av Steve Lillywhite, Collins og Hugh Padgham, og vart nytta på Collins og Genesis sine innspelinga gjennom 1980-åra. Den særeigne lyden kom til via eksperiment av Lillywhite, Collins og Padgham då Gabriel kravde at verken Collins eller Jerry Marotta fekk bruke cymbalar på albumet. Trommelyden på dette albumet vart lagt merke til av Public Image Ltd og påverka lyden på albumet deira Flowers of Romance. Lydteknikaren deira, Nick Launay, var leigd inn av Collins for å hjelpe han på det første studioalbumet hans, Face Value. Paul Weller, som var i studio med bandet sitt The Jam like i nærleiken, vart beden om å spele gitar på «And Through The Wire». Gabriel meinte at den intense gitarstilen til Weller var perfekt for den songen.

Albumet var produsert av Gabriel og Lillywhite og var det første og einaste albumet til Gabriel på Mercury Records i USA, etter at det vart avvist av Atlantic Records, som distributerte dei to første soloalbuma til Gabriel og dei siste to albuma til Genesis. Då A&R-mann John Kalodner fekk høyre dei tidlege miksane av albumet i 1980, meinte han at det ikkje var kommersielt nok til å at dei kunne gje det ut og råda selskapet til kvitte seg med Gabriel. Då albumet sidan kom ut på Mercury fleire månader seinare, forstod Kalodner, som no arbeidde for det nyoppretta Geffen Records at han hadde gjort ein feil og fekk Geffen til å signere ein kontrakt med Gabriel. Geffen gav ut albumet på ny i 1983 og har marknadsført det i USA sidan den gong.

Innhald

Alle songar er skrivne av Peter Gabriel. 

Side ein
#	Tittel	Lengd
1.	«Intruder»	4:54
2.	«No Self Control»	3:55
3.	«Start»	1:21
4.	«I Don't Remember»	4:41
5.	«Family Snapshot»	4:28
6.	«And Through the Wire»	5:00

Side to
#	Tittel	Lengd
7.	«Games Without Frontiers»	4:06
8.	«Not One of Us»	5:22
9.	«Lead a Normal Life»	4:14
10.	«Biko»	7:32

Medverkande

• Peter Gabriel – vokal, piano, synthesizer, bass-synthesizer, perkusjon
• Kate Bush – korvokal på «No Self Control» & «Games Without Frontiers»
• Jerry Marotta – trommer, perkusjon
• Larry Fast – synthesizer, bass-synthesizer
• Robert Fripp – gitar på «No self control», «I Don't Remember» & «Not One of Us»
• John Giblin – bass
• Dave Gregory – gitar
• Tony Levin – Chapman stick on «I Don't Remember»
• Phil Collins – trommer på «Intruder» & «No Self Control»; skarptromme på «Family Snapshot»; surdo på «Biko»
• Dick Morrissey – saksofon
• Morris Pert – perkusjon
• David Rhodes – gitar, korvokal
• Paul Weller – gitar på «And Through the Wire»
• Dave Ferguson - skrik på «Biko»
• Steve Lillywhite - Produsent

Ettermæle

I 1989 vart albumet rangert på 45. plass på lista til Rolling Stone over dei 100 beste albuma i 1980-åra.

I 2000 sette musikkmagasinet Q albumet på 53. plass på lista dei over dei 100 beste britiske albuma gjennom tidene.

I 2006, sette Q albumet på 29. plass på lista deira over dei 40 beste albuma frå 1980-åra. Det einaste Gabriel-albumet på lista.

Lister

Album

År	Liste	Plassering
1980	Billboard Pop Albums	22
1980	UK Album Chart	1

Singel

År	Singel	Liste	Plassering
1980	"Games Without Frontiers"	Billboard Pop Singles	48

Salstrofé

Organisasjon	Nivå	Dato
BPI – UK	Gull	2. juni 1980

Ein deutsches Album

Ein deutsches Album (eit tysk album) kom ut i juli 1980 og er ein tyskspråkleg versjon av albumet. Gabriel song inn tysk vokal oppå akkompagnementet frå den engelske versjonen. Dei tyske tekstane er omsetjingar frå engelsk. To år seinare gav Gabriel ut Deutsches Album (1982), der han i tillegg spelte inn musikken på ny for det fjerde albumet sitt Peter Gabriel (1982) (Security i Nord-Amerika). I februar 1980 vart den tyskspråklege versjonen av «Games Without Frontiers» og «Here Comes the Flood» gjevne ut som singlar i Tyskland.

Side ein

1. «Eindringling» – 5:00
2. «Keine Selbstkontrolle» – 4:00
3. «Frag mich nicht immer» – 6:04
4. «Samlar «Start» med ein tysk versjona av «I Don't Remember».
5. «Schnappschuß (ein Familienfoto)» – 4:26
6. «Und durch den Draht» – 4:28

Side to

1. «Spiel ohne Grenzen» – 4:07
2. «Du bist nicht wie wir» – 5:32
3. «Ein normales Leben» – 4:21
4. «Biko» – 8:55

Kjelder

• Denne artikkelen bygger på «Peter Gabriel (1980)» frå Wikipedia på engelsk, den 25. oktober 2012.
  • Wikipedia på engelsk oppgav desse kjeldene: