Peter Klodt

Frå Wikipedia – det frie oppslagsverket
Gå til: navigering, søk
Peter Klodt von Jürgensburg
Triumfporten på Narvaplassen i St. Petersburg

Peter Jakob Klodt von Jürgensburg (russisk:Пётр Карлович Клодт, Pjotr Karlovitsj Klodt (8. juni 180520. november 1867) var ein russisk bilethoggar. Han var ein kunstnar tsar Nikolai I sette seærleg stor pris på.

Klodt var fødd i St. Petersburg, og stamma frå ei høgt akta, tyskbaltisk familie. Han byrja sin livsveg som offiser ved artilleriet. På fritida dreiv han med bilethogging, og vitja kurs ved St. Petersburgs kunstakademi. Her synte han meisterskap i å framstille hestar, noko tsaren rosa han for. Nikolai I skal ha ytra at Klodt lagar hestar vakrare enn alle mine premierte hingstar.

Den mest kjende gruppa av hestestatuar som Klodt laga, dei to Hestetemjarane, vart i året 1842 av tsar Nikolai I skjenka kongen av Preussen, Fredrik Vilhelm IV. Denne stilte ut begge skulpturgruppene fram om byslottet i Berlin. I dag står dei framfor kammerretts-bygningen i Heinrich-von-Kleist-parken. År 1843 kom han med ei gjentaking av begge Hestetemjarane. Men fyrst i 1850 vart dei montert på Anitsjkov-brua i St. Petersburg. Desse er til denne dag halden i god stand. Likeså fekk kongen av Napoli kopiar av begge Hestetemjarane“, som sidan har stått på Piazza del Re.

Klodt laga også bronsestatuen Ivan Krylov (1855), i dag står ho i sommarhagen i St. Petersburg. Ho var den fyrste i sitt slag som i Russland vart reist til minne om ein diktar. Klodt samarbeidde med Vasilij Demut-Malinovskij då det vart laga minnesmerke over den heilage Vladimir i Kiev, og sameleis med statuane på Triumfporten på Narvaplassen i St. Petersburg.

Klodts siste minneverdige verk var ei avskjedshelsing til velgjeraren sin. Ei ryttarstatue av Nikolai I som vart plassert på Isaaksplassen. Statuen var den fyrste ryttarstatuen i heile verda med einast to støttepunkt, ettersom hesten var fanga i det han steilar og såleis einast står på bakbeina.

Klodt døydde i 1867 på landstaden sin i Finland. Sonen og særleg brorsonen Mikhail Klodt førte vidare dei kunstnariske familietradisjonane og vart kjende målarar gjennom Peredvizjnikij-rørsla.

Hestetemjarar (utval)[endre | endre wikiteksten]

Bakgrunnsstoff[endre | endre wikiteksten]

Commons-logo.svg Commons har multimedia som gjeld: Peter Klodt

Kjelder[endre | endre wikiteksten]