Petropavlovsk-Kamtsjatskij

Petropavlovsk-Kamtsjatskij Петропавловск-Камчатский
Flagget til Petropavlovsk-Kamtsjatskij Byvåpenet til Petropavlovsk-Kamtsjatskij
Plassering
Styresmakter
Land	Russland
Føderasjonssubjekt	Kamtsjatka kraj
Grunnlagd	1740
Borgarmeister	Vladislav Skvorzov
Geografi
Flatevidd  - By	400 km²
Innbyggjarar  - Totalt (2007)    - folketettleik	195 100   487,8 /km²
Koordinatar	53°01′0″N 158°39′0″E
Høgd over havet	150 moh
Tidssone - Ved sommartid	PETT (UTC+12) PETST (UTC+12)
Diverse annan informasjon
Postnummer	683000–683063
Retningsnummer (tlf)	(+7)4152
Nettstad: petropavlovsk.kamchatka.ru/

Petropavlovsk-Kamtsjatskij (russisk Петропа́вловск-Камча́тский) er den største byen og det administrative, industrielle, vitskaplege og kulturelle senteret i Kamtsjatka kraj i Russland. Han hadde om lag 195 000 innbyggjarar i 2007. Etniske russarar og ukrainarar utgjer størstedelen av folkesetnaden. Sjølve byen har fleire innbyggjarar enn naboregionane Magadan oblast og Tsjukotka autonome okrug. I tillegg er han den austlegaste byen i Eurasia.

Byen ligg på nokre høge åsar omgjeve av vulkanar. På andre sida av Avatsjabukta ligg den største russiske ubåtbasen, Rybatsjij atomubåtbase, som vart oppretta under Sovjetunionen og som framleis er i bruk av den russiske marinen.

Historie

Petropavlovsk vart grunnlagd av den russiske utforskaren Vitus Bering. Bering kom til Avatsjabukta i 1740 og la ned grunnsteinen til hamnebyen. Han gav den nye staden namnet «Petropavlovsk» (Peter og Paulus) etter dei to skipa hans, St. Peter og St. Paulus, som vart bygd i Okhotsk for den andre ekspedisjonen hans.

Under krimkrigen i 1854–1855 klarte festningane i byen seg under ei omleiring av engelsk-franske styrkar og fall aldri.

Petropavlovsk var ei stor kjelde til fisk, og særskild laks, og krabbe for Sovjetunionen på 1900-talet, men etter sovjetida har fiskerettane vorte gjevne til utlendingar.

Klima

Klimaet er maritimt (Köppen Dfc) og nedbørmengdene er estimert til 860 mm i året, eller om lag tre gonger så mykje som det som er normalt i Sibir. Det meste av nedbøren kjem som snø. Temperaturane om vinteren er høgare enn i Sibir med ein normal i januar på 7,3 °C, medan temperaturmaksima om sommaren er rundt 20 °C.

Turisme

Byen har utvikla ein turistinfrastruktur. Om lag tjue store turistselskap tilbyr tenester frå bjørnejakt til paragliding. Det går ikkje veg til Kamtsjakahalvøya frå resten av verda, og Petropavlovsk-Kamtsjatskij er den nest største byen i verda som ein ikkje kan nå via veg etter Iquitos i Peru. Ei reise til Petropavlovsk-Kamtsjatskij er dyr, men vert stadig meir populær på grunn av dei flotte naturtilhøva på halvøya. Byen er tent av Petropavlovsk-Kamtsjatskij lufthamn.

Bakgrunnsstoff

Commons har multimedia som gjeld: Petropavlovsk-Kamtsjatskij

• Samfunn på Kamtsjatka (russisk)
• Bilete frå Kamtsjatka (russisk)

Galleri

• 

  Petropavlovsk og Korjakskijvulkanen, sett frå Avatsjabukta

• 

  Leninplassen

• 

  Utsyn til Korjakskaja, oktober 2005

• 

  Vulkanen Avatsjinskij frå byen

Kjelder

• Denne artikkelen bygger på «Petropavlovsk-Kamchatsky» frå Wikipedia på engelsk, den 25. desember 2008.
  • Wikipedia på engelsk oppgav desse kjeldene:

Byar i Kamtsjatka kraj
Administrativt senter: Petropavlovsk-Kamtsjatskij
Jelizovo · Viljutsjinsk