Petter Belsvik

Petter Belsvik

Personleg informasjon
Fødd	2. oktober 1967 (56 år)
Fødestad	Lillehammer i Noreg
Høgd	188 cm
Spelarposisjon	Angrep
Seniorspelar*
År	Lag	Kmp†	(Mål)†
1984–1985	Lillehammer FK	8	(1)
1985–1988	Faaberg IL	53	(21)
1989–1991	Molde	66	(28)
1992–1993	Hamarkameratene	40	(23)
1994–1995	Start	46	(38)
1994	→ Aalborg (lån)	3	(1)
1995	→ Southend (lån)	3	(1)
1996–2000	Stabæk	94	(60)
1997	→ Austria Wien (lån)	3	(0)
2000–2001	Rosenborg	15	(5)
2001–2002	Vålerenga	39	(12)
2003	Lillestrøm	13	(1)
1984–2003	Totalt:	383	(191)
Trenarlag
2007–2008	Stabæk (Assistenttrenar)
2009–2011	Lillestrøm SK (Assistenttrenar)
2012–2013	Stabæk
* Kampar og mål for klubblag er berre rekna for den heimlege ligaen. † Kampar (mål).

Petter Belsvik (fødd 2. oktober 1967) er ein norsk fotballtrenar og tidlegare fotballspelar, som scora totalt 159 mål i Tippeligaen. Han er med dette på 3. plass på lista over flest scora mål samanlagt, etter Sigurd Rushfeldt og Harald Martin Brattbakk. Trass i dette spelte han aldri for det norske landslaget, og vart heller aldri toppscorar i Eliteserien. Han vart til gjengjeld cupmeister med Stabæk i 1998, og seriemeister med Rosenborg i 2000.

Etter at han la opp som spelar, var Belsvik ein del av trenarapparatet i Stabæk frå 2004-2008. Han var assistenttrenar under Jan Jönsson då Stabæk tok seriegull i 2008. Frå 2009 til 2011 var Belsvik ein del av trenerteamet til Lillestrøm. Belsvik vart 1.1.2012 tilsett som hovudtrenar for Stabæk.

Klubbkarriere

Belsvik må kunne skildrast som ein klubbnomade og er den spelaren som har spelt for flest norske toppserieklubbar. Han er òg den som har skåra for flest ulike norske toppserieklubbar. Han spelte toppseriefotball for Molde, Ham-Kam, Start, Stabæk, Rosenborg, Vålerenga og Lillestrøm, og han har òg hatt korte opphald i utlandet – for den engelske klubben Southend United, danske AaB og austerrikske Austria Wien.

Merittar

• Seriemeister med Rosenborg (2000 og 2001)
• Seriemeister med Aalborg (1994/95)
• NM–finalevinnar med Stabæk (1998)

Kjelder

• Denne artikkelen bygger på «Petter Belsvik» frå Wikipedia på bokmål, den 29. mai 2013.
  • Wikipedia på bokmål oppgav desse kjeldene:

Bakgrunnsstoff

• Aabsport.dk – Belsviks spelarprofil Arkivert 2007-09-27 ved Wayback Machine.
• Rosenborg.info – Belsviks spelarprofil
• Austria-archiv.at – Belsviks spelarprofil