Pokémon Black og White

Frå Wikipedia – det frie oppslagsverket
Gå til: navigering, søk
Pokémon Black og White
Utviklar(ar) Game Freak
Utgjevar(ar) Nintendo, The Pokémon Company
Serie Pokémon
Sjanger Data-rollespel
Utgjeving JP 18. september 2010
EU 4. mars 2011
NA 6. mars 2011
Aldersgrense PEGI: 3
CERO: A
ESRB: E

Pokémon Black og White (ポケットモンスターブラック・ホワイト) er data-rollespel utvikla av Game Freak og utgjeve av NintendoNintendo DS. Dei er dei fyrste spela i den femte generasjonen i rollespel-serien Pokémon.[1] Black and White vart gjevne ut i Japan den 18. september 2010, i Europa den 4. mars 2011 og i Nord-Amerika den 6. mars 2011. I forkant av utgjevinga vart Black og White dei raskaste DS-spela noko sinne til å nå ein million førehandsbestillingar i Japan.[2] I januar 2011 var spela dei raskaste DS-titlane til å selja fem millionar eksemplar.[3]

Pokémon Black og White har ein speloppbygnad som liknar tidlegare spel i serien, men introduserer fleire endringar av dei sentrale mekanikkane i spela. Spelaren fylgjer ferda til en pokémon-trenar gjennom regionen Unova, medan ein trenar opp pokémon som vert nytta til å slåst mot andre trenarar. Det endelege målet i spelet er å bli den beste pokémon-trenaren i regionen ved å nedkjempa ei gruppe topptrenarar (en: Elite Four). Black og White tilfører serien 156 nye pokémon-figurar, som får det samla talet på pokémon opp i 649 monster.[4] Pokédexen, som fungerer som eit register over alle typar pokémon, kan ein fullføre ved å få tak i alle 649 pokémon. Begge titlane er uavhengige av kvarandre, men har stort sett same historie. Black og White kan spelast kvar for seg, men ein treng å byta pokémon mellom spela for å fullføre pokédexen.

Kjelder[endre | endre wikiteksten]

Bakgrunnsstoff[endre | endre wikiteksten]