Protea compacta

Frå Wikipedia – det frie oppslagsverket
Gå til: navigering, søk
Protea compacta


Protea compacta
Protea compacta

Systematikk
Domene: Eukaryota
Rike: Plantae
Klasse: Eudicotyledonae
Orden: Proteales
Familie: Proteaceae
Underfamilie: Proteoideae
Slekt: Protea
Art: P. compacta
Vitskapleg namn
Protea compacta

Protea compacta er ein blomsterplante i slekta Protea. Vekseområdet er frå Kleinmond til Bredasdorpfjella. Han har oppovervende blad og er ganske lik Protea eximia. Arten er ein av dei best kjende proteane i snittblomstindustrien.

Skildring[endre | endre wikiteksten]

Protea compacta-busk

Protea compacta er ein populær snittblom på den lokale marknaden i Sør-Afrika, der den er kjent under det alminnelege namnet Bot River protea. Det naturlege habitatet er eit område i den sørvestlege Kapprovinsen. Ein finn den på høgder mindre enn 100 meter over havet, i næringsfattig, sandjord som generelt har god drenering og fører til sur jord. Planta har ein tendens til å vekse i tette grupper der stenglane støttar kvarandre.

Planta kan dyrkast i veldrenert sur jord, og toler litt frost og sjøsprut nær kysten. Ferske frø sprirer lett, og stiklingar frå halvtreaktige delar av planta frå tidleg vår til haust gror lett. Gjestar til Sør-Afrika kan sjå dyrking av planta ved å køyre langs den vakre kysten frå Gordon's Bay til Hermanus.

Voksevanar[endre | endre wikiteksten]

Protea compacta er ein opprett, slank busk med ein tendens til å spreie seg utover på næringsrike jordartar. Han kan ha lange stenglar som kan bli opptil 3,5 meter høge. Kvar busk er relativt kortliva – gjennomsnittsalderen er ca. 10 år.

Protea compacta i sitt naturlege habitat nær Hermanus i Sør-Afrika.

Blad[endre | endre wikiteksten]

Planta har distinktive blad som er ca. 100 mm lange og 50 mm breie. Blada er mjuke og hårete når dei er unge, men blir etterkvart lêraktige og glatte. Bladsidene er heile og ofte raudlege. Blada sit nær stengelsen, noko som gjer at planta ser vakker ut.

Blomster[endre | endre wikiteksten]

Blomster av Protea compacta.

Blomsteren har ein slåande rosa farge og er forma som bollen på eit vinglass. Det ytre korgdekkbladet kan bleikne nedover mot basis. Han kan vere opptil 120 mm langt og opptil 90 mm i omkrins. Blomsteren sit øvst på ein ca. 50 cm lang stengel. Blomstringsperioden er tidleg vinter til midt-vinters, men kan av og til blomstre på andre tider av året. Fargen på blomsten kan variere sterkt i intensitet og det finst variantar som er naturleg kvite. Høgblada er svakt gjennomsiktige, noko som gjer at det set ut som at blomsten stråler når ein ser den mot sola.

Bakgrunnsstoff[endre | endre wikiteksten]

Commons-logo.svg Commons har multimedia som gjeld: Protea compacta

Kjelder[endre | endre wikiteksten]

  • Denne artikkelen bygger på «Protea compacta» frå Wikipedia på engelsk, den 31. mai 2012.
    • Wikipedia på engelsk oppgav desse kjeldene:
      • van Wyk, B. and van Wyk, P. 1997. Field Guide to trees of South Africa. Struik, Cape Town
      • Pooley, E. 2005. A Field Guide to Wild Flowers of Kwazulu-Natal and the Eastern Region. National Floral Publications Trust, Durban
      • Matthews, L. 1993. Proteas of the World. Bok Books, Durban.
      • Rousseau, F. 1970. The Proteaceae of South Africa. Purnell, Cape Town.