Provinsen Groningen

Provincie Groningen Provinsen Groningen
Flagg Våpen
Hovudstad	Groningen
Dronninga sin kommissær	Max van den Berg
Religion (1999)	protestant 29% romersk-katolsk 7%
Areal  • Land  • Vatn	2 336 km² (8.) 623 km²
Folketal (2006)  • Totalt  • Folketettleik	574 042 (9.) 246/km² (9.)
Hymne	«Grunnens Laid»
Offisiell nettstad	www.provinciegroningen.nl

Groningen (på groningsk: Grönnen) er den nordaustlegaste provinsen i Nederland. I aust grenser han til Tyskland og delstaten Niedersachsen, i sør til Drenthe, i vest til Friesland og i nord til Vadehavet. Groningen er stort sett ein jordbruksprovins og har store naturgassfelt nær Slochteren. Aust-Groningen var åstad for ein hard klassekamp på 1800- og 1900-talet, og Groningen har òg den einaste kommunen (Beerta) der det nederlandske kommunistpartiet har hatt ein borgarmeister. Administrasjonsstad i provinsen er byen Groningen.

Historie

Opphavleg var provinsen del av Friesland og vart så ein del av Frankarriket rundt 785. Karl den store let Ludger ta styringa over kristninga av dette området. På 1000-talet var byen Groningen ein landsby i Drenthe som var underlagt biskopen av Utrecht, medan det meste av provinsen var underlagt bispedømet Münster. I mellomalderen var sentralmakta langt under og Groningen fungerte som ein bystat og hadde stor påverknad på det omliggande Ommelanden. Rundt 1500 gav Maximilian I av Det tysk-romerske riket Groningen og Friesland til Albert av Sachsen, som aldri klarte å opprette permanent kontroll. I 1514/15 kom Groningen under hertugdømet Geldern, og i 1536 under Habsburgsk Nederland. I 1594 vart Groningen erobra av Dei sameinte Nederlanda og vart verande ein del av denne nasjonen etter dette.

Kommunar

• Appingedam
• Bedum
• Bellingwedde
• De Marne
• Delfzijl
• Eemsmond
• Groningen
• Grootegast
• Haren
• Hoogezand-Sappemeer
• Leek
• Loppersum
• Marum
• Menterwolde
• Pekela
• Reiderland
• Scheemda
• Slochteren
• Stadskanaal
• Ten Boer
• Veendam
• Vlagtwedde
• Winschoten
• Winsum
• Zuidhorn

Bakgrunnsstoff

• Offisiell nettside
• Flagg
• Byen Groningen si nettside
• Groningen på dgs.nl
• Kart over Groningen
• Universitetet i Groningen
• Kart over provinsen

Kjelder

• Denne artikkelen bygger på «Groningen (province)» frå Wikipedia på engelsk, den 13. februar 2008.