Røros kommune

Røros kommune
Komm.nr.	1640
Fylke	Sør-Trøndelag
Adm.senter	Bergstaden Røros
Areal	1 956 km²
Folketal	5 612 (1. jan 2012)
Politikk
Ordførar (2007-)	Hans Vintervold (Ap)
Målform	Nøytral
Nettstad	www.roros.kommune.no
Folketalsutvikling 1951-2010
Røros kommune på Commons

Røros (sørsamisk: Plassje) er ein kommune i Sør-Trøndelag fylke som grensar i nord til kommunane Tydal og Holtålen, i sørvest til Os og Engerdal i Hedmark fylke og i aust til Härjedalen i Sverige. Røros er kjend for Røros Kobberverk og dei mellomalderlege trehusa sine. Tettstaden Røros har aldri hatt status som by, men som bergstad. Bergstaden Røros vart i 1980 teke med på UNESCO si liste over verdsarva. Han er òg ein av dei kaldaste stadane i Noreg.

På grunn av gruveindustrien har Røros-dialekten vorte påverka frå fleire ulike hald, mellom anna av tysk. Byen ble heilt attoppbygd etter at han var øydelagd av svenske troppar i 1679.

Ein kjent marknad går føre seg i Røros kvar vinter.

Røros er særleg skildra av forfattaren Johan Falkberget.

Kjerkgata sett nedanfrå 1869. Foto: Elen Schomragh

Historie

Det vart funne koparmalm på Røros i 1644. Før det var det berre nokre få fjellgardar i området. Eit smelteverk vart bygd i 1646. I denne tida vart Røros fleire gongar brent ned i svenske åtak. Svenske styrkar øydela heile byen i 1679, og byen måtte byggjast opp att. Smelteverket og utvinninga av kopar hadde stor trong for treverk, og områda rundt Rørros vart avskoga. Steinkyrkja Bergstadens Ziir vart innvia i 1784. Tidleg på 1800-talet var det dårlege tider og hungersnaud på Røros. Kromgruvedrift vart starta opp i denne tida. Jarnbana Rørosbana vart offisielt opna i 1877. Den siste store gruva, Olavsgruva var i drift frå 1936 til 1972. Røros Koparverk vart nedlagt i 1977. Etter at gruvedrifta vart avslutta er turisme den viktigaste næringa.

Bilete frå marknaden på Røros

Bakgrunnsstoff

• Verdensarven Røros på nett
• Røroshistorie
• Røros Kultur på kart frå kulturnett.no
• Røros Reiseliv
• Bilete og omtale om Røros Riksantikvaren
• Røros UNESCO
• Bergstaden Røros Miljøstatus i Norge

Commons har multimedia som gjeld: Røros kommune

Kjelder

• Fakta om Røros på nettstaden til Statisisk sentralbyrå