Regjeringa Stoltenberg II

Regjeringa Stoltenberg II utanfor slottet i Oslo den 17. oktober 2005 Fotografert av Brukar:Cnyborg

Regjeringa Stoltenberg II er den sittande regjeringa i Noreg. Den vart danna med Jens Stoltenberg som statsminister, etter Stortingsvalet 2005. Regjeringa er ein koalisjon mellom Arbeidarpartiet (Ap), Senterpartiet (Sp) og Sosialistisk Venstreparti (SV). Regjeringa blir ofte kalla den raud-grøne regjeringa. Etter Stortingsvalet 2009, har dei tre regjeringspartia framleis fleirtal i Stortinget, og held dermed fram med regjeringssamarbeidet. 20. oktober 2009 vart det presentert fleire endringar blant medlemmene av regjeringa, statsrådane, og den har difor i media også blitt omtalt som Regjeringa Stoltenberg III.

Regjeringa sin første periode, 2005-2009

Då valresultatet viste at dei tre partia til saman fekk fleirtal i Stortinget, byrja regjeringsforhandlingar mellom dei tre den 26. september 2005 på konferansestaden Soria Moria i Oslo. Soria Moria-erklæringa er ei nemning på forhandlingsresultatet, som er det politiske grunnlaget for regjeringa.

Den nye regjeringa vart oppnemnd av Kongen i statsråd med verknad frå den 17. oktober 2005.

Regjeringa sin andre periode, 2009-

Dei tre regjeringspartia vann Stortingsvalet 2009, og fekk dermed høve til å halde fram i regjering. Dei tre partileiarane Stoltenberg, Navarsete og Halvorsen starta regjeringsforhandlingane måndag 21. september i Regjeringskvartalet i Oslo.

Onsdag 7. oktober 2009 la dei tre partia fram Soria Moria II, ei ny regjeringserklæring som skal fungere som ei plattform for det vidare arbeidet med å styre Noreg. Denne erklæringa vart lagt fram på konferansestaden Soria Moria i Oslo, på same måte som etter valet i 2005.

Noverande samansetting av regjeringa

Frå 21. september 2012

Regjeringa har totalt 20 medlemer, 12 statsrådar representerer Arbeidarpartiet, medan Sp og SV har fire statsrådar kvar. Statsministeren og partileiarar frå Sp og SV er rangert øvst, deretter kjem utanriksministeren og så resten av statsrådane i vilkårleg rekkjefølgje.

Statsminister: Jens Stoltenberg (Ap)

Statsrådar i:

Kommunal- og regionaldepartementet:

• Liv Signe Navarsete (Sp)

Kunnskapsdepartementet:

• Kristin Halvorsen (SV)

Utanriksdepartementet:

• Utanriksminister: Espen Barth Eide (Ap)
• Utviklingssaker: Heikki Holmås

Forsvarsdepartementet:

• Anne-Grete Strøm-Erichsen (Ap)

Finansdepartementet:

• Sigbjørn Johnsen (Ap)

Nærings- og handelsdepartementet:

• Trond Giske (Ap)

Samferdsledepartementet:

• Magnhild Meltveit Kleppa (Sp)

Helse- og omsorgsdepartementet:

• Anne-Grete Strøm-Erichsen (Ap)

Miljøverndepartementet:

• Bård Vegar Solhjell (SV)

Justis- og politidepartementet:

• Grete Faremo (Ap)

Olje- og energidepartementet:

• Ola Borten Moe (Sp)

Statsministerens kontor (Stabssjef):

• Karl Eirik Schjøtt-Pedersen (Ap)

Kunnskapsdepartementet:

• Tora Aasland (SV) (forsking og høgare utdanning)

Kulturdepartementet:

• Hadia Tajik (Ap)

Landbruks- og matdepartementet:

• Trygve Slagsvold Vedum (Sp)

Fornyings- og administrasjonsdepartementet:

• Rigmor Aasrud (Ap)

Fornyings-, administrasjons- og kyrkjedepartementet:

• Rigmor Aasrud (Ap)

Fiskeri- og kystdepartementet:

• Lisbeth Berg-Hansen (Ap)

Barne-, likestillings- og inkluderingsdepartementet:

• Inga Marte Thorkildsen (SV)

Tidlegare medlemer av regjeringa

Denne lista er sortert etter statsrådpostane.

• 17. oktober 2005 - 20. juni 2008 var Bjarne Håkon Hanssen arbeids- og inkluderingsminister
• 17. oktober 2005 - 21. september 2007 var Odd Roger Enoksen olje- og energiminister
• 21. september 2007 - 19. juni 2008 var Åslaug Haga olje- og energiminister
• 17. oktober 2005 - 21. september 2007 var Åslaug Haga kommunalminister
• 17. oktober 2005 - 18. oktober 2007 var Øystein Djupedal kunnskapsminister
• 17. oktober 2005 - 18. oktober 2007 var Karita Bekkemellem barne- og likestillingsminister
• 18. oktober 2007 - 15. februar 2008 var Manuela Ramin-Osmundsen barneminister
• 17. oktober 2005 - 18. oktober 2007 var Helen Bjørnøy miljøvernminister
• 17. oktober 2005 - 18. oktober 2007 var Erik Solheim utviklingsminister
• 17. oktober 2005 - 29. september 2006 var Odd Eriksen næringsminister
• 29. september 2006 - 20. juni 2008 var Dag Terje Andersen næringsminister
• 17. oktober 2005 - 20. juni 2008 var Sylvia Brustad helse- og omsorgsminister
• 17. oktober 2005 - 20. juni 2008 var Terje Riis-Johansen landbruksminister

Føregjengar Regjeringa Bondevik II

Norske regjeringar 2005–?

Etterfylgjar ?

Kjelder

Regjeringa Stoltenberg II hos regjeringa.no, vitja 26. desember 2009

Bakgrunnsstoff

• Odin- informasjon frå regjeringa og departementa

Commons har multimedia som gjeld: Regjeringa Stoltenberg II