Regnbogedunfot
Regnbogedunfot | |
Utbreiing og status | |
Status i verda: Sterkt truga Utbreiinga av regnbogedunfot | |
Systematikk | |
Underrekkje: | Virveldyr Vertebrata |
Klasse: | Fuglar Aves |
Overorden: | Neoaves |
Orden: | Seglarfuglar Apodiformes |
Familie: | Kolibriar Trochilidae |
Underfamilie: | Lesbiinae |
Stamme: | Heliantheini |
Slekt: | Eriocnemis |
Art: | Regnbogedunfot E. mirabilis |
Vitskapleg namn | |
Eriocnemis mirabilis |
Regnbogedunfot (Eriocnemis mirabilis) er ein sterkt truga kolibriart som berre er kjent frå tre små og isolerte leveområde i vestre Andes i Cauca-departementet i sørvestre Colombia.
Skildring[endre | endre wikiteksten]
Dette er ein uvanleg fargerik dunfotkolibri i slekta Eriocnemis, med kroppslengd på 8 til 9 centimeter. Kjønna har stor skilnad i fjørdrakt. Mykje av fjørdrakta til hannfuglen er i grønt, med iriserande grøn strupe, men buken og kroppsidene har kraftig metallisk blåfarge, undergumpen er glitrande raud og koparfarga. Fjørduna rundt beina er store og kvite. Hoa har nær kvit underside med grøne flekker i strupen og brystet, samt små raude, oransje og blå flekker på buken, kroppssidene og undergump. Nebbet er rettpeikande og svart.
Habitatet ligg i fuktig, subtropisk tåkeskog og i utkanten av skogen, ca. 2200 til 2440 moh.
Storleiken på populasjonen er estimert til mellom 350 og 1500 individ totalt innanfor dei tre leveområda på 31 kvadratkilometer, og han er minkande. Arten er kategorisert som sterkt truga (EN) av BirdLife International.
Kjelder[endre | endre wikiteksten]
- Heynen, I., P. F. D. Boesman, and C. J. Sharpe (2020). Colorful Puffleg (Eriocnemis mirabilis), version 1.0. In Birds of the World (J. del Hoyo, A. Elliott, J. Sargatal, D. A. Christie, and E. de Juana, Editors). Cornell Lab of Ornithology, Ithaca, NY, USA. https://doi.org/10.2173/bow.colpuf2.01
- BirdLife International (2023) Species factsheet: Eriocnemis mirabilis. Henta frå http://www.birdlife.org den 8. august 2023
Bakgrunnsstoff[endre | endre wikiteksten]
- Bilete frå Flickr.com Henta den 25. mai 2015