Sabelnebbar

Frå Wikipedia – det frie oppslagsverket
(Omdirigert frå Rhinopomastus)
Sabelnebbar
Sørsabelnebb, Rhinopomastus cyanomelas
Sørsabelnebb, Rhinopomastus cyanomelas
Systematikk
Underrekkje: Virveldyr Vertebrata
Klasse: Fuglar Aves
Underklasse: Neognathae
Overorden: Coraciimorphae
Orden: Horn- og hærfuglar Bucerotiformes
Familie: Kakelarar Phoeniculidae
Underfamilie: Rhinopomastinae
Slekt: Sabelnebbar Rhinopomastus
Jardine, 1828

Sabelnebbar er tre artar av afrikanske fuglar i den biologiske slekta Rhinopomastus. Dei er ofte klassifisert i kakelarfamilien, Phoeniculidae, men genetiske studium viser at dei skilde seg frå slekta Phoeniculus, verkelege kakelarar, for om lag 10 millionar år sidan, så dei er nokre gonger plassert i ein eigen familie Rhinopomastidae.

Dei er mindre enn dei fleste kakelarar og nebbane er sterkt bendt som ein sabel, dette gjev òg desse fuglane namn. Dei er stort sett glinsande svart i farga med eit par kvite teikningar på vengene. Medan andre kakelarar er selskapelege fuglar som opptrer i flokkar, er sabelnebbar vanlegvis observert einslege eller i par.

Dei lever hovudsakleg av insekt og andre virvellause dyr, som dei finn ved hjelp av nebbane sine ved å søkje i hòl og sprekkar i tre. Dei er akrobatiske fuglar, godt tilrettelagt for klatring i tre. Egga blir lagt i ein hol trestamme.

Artar[endre | endre wikiteksten]

  • Svartsabelnebb, Rhinopomastus aterrimus - mindre markert bendt nebb enn dei andre. To populasjonar, ein som strekkjer seg frå Vest-Afrika austover til Etiopia og den andre i Angola og tilstøytande land.
  • Sørsabelnebb, Rhinopomastus cyanomelas - den største arten med lengste halen, og han einaste med kvite teikningar på halen. Lever i sørlege og austlege Afrika.
  • Nordsabelnebb, Rhinopomastus mindre - mindre enn dei andre artane med eit raudt nebb i staden for svart som dei andre to. Funne i tørre kratt frå Tanzania nordover til Somalia.

Kjelder[endre | endre wikiteksten]

Referansar[endre | endre wikiteksten]

  • Christopher Perrins, ed. (2004) The New Encyclopedia of Birds, Oxford University Press, Oxford
  • Ian Sinclair & Peter Ryan (2003) Birds of Africa south of the Sahara, Struik, Cape Town