Riaz Ahmed Gohar Shahi
Riaz Ahmed Gohar Shahi[1] (25. november 1941–25. november 2001)[2] var ein muslimsk sufi, forfattar og grunnleggaren av den religiøse rørsla Anjuman Serfaroshan-e-islam.[3][2]
Innhaldsliste |
Liv [endre]
Gohar Shahi vart født i landsbyen Dhok Gohar Sjah i distriktet Rawalpindi, som i dag ligg i Pakistan.[2] Han tok til å interessera seg for religiøse studie i tjueåra, men gjekk så ut i arbeidslivet, fann seg kone og stifta familie. Då han var rundt 34 år reiste han til Shorkot for å studera hjå sultan Bahuhj.[2] I tre år reiste han rundt i fjellområda ved Sehwan Sharif og Laal Bagh og fortalte om tankane sine. Etter ei stund tok han til å få tala i moskear, hindu- og sikhtempel og kyrkjer.
Kontrovers [endre]
Læra hans og påstandar, som til dømes at han hadde møtt Jesus i USA,[4] førte til motstand og påstander om blasfemi både frå ortodokse muslimar[5] og frå styresmaktene i Pakistan.[6] At tilhengjarane til Shahi påstod at dei kunne sjå avbildingar av han på månen, på sola og på Kaba-steinen i Mekka gjorde ikkje motstanden mot han mindre.[5] Bøkene hans vart forbodne av delstatsregjeringa i Panjab,[6] og han blei utsett for drapsforsøk etter at det blei lyst ut ein fatva mot han.[7] I Manchester var ei bensinbombe kasta mot heimen hans og i Kotri i Pakistan vart det kasta granatar mot heimen hans.
I 1997 vart Gohar Shahi tiltala for å ha drepe ei kvinne som kom til han for å få andeleg rettleiing. Han og fleire av tilhengarane hans vart seinare dømt for blasfemi mot islam av ein antiterrortdomstol i Sindh.[8][8] Shahi hadde rømt til England før rettssaka og vart dømt in absentia.[9]
Gohar Shahi døydde av lungebetennelse den 25. november 2001 i Manchester.[2] Lekamen hans vart frakta til Pakistan og gravlagt i Markazi Aastana i Kotri. Han etterlét seg ei enke, fem søner og ei dotter.[2]
Verk [endre]
Gohar Shahi skreiv fleire bøker og avhandlingar:
- Ruhani Safar ('Åndeleg reise')
- Menara-e-Noor ('Ljosets minaret')
- Roshnash ('Ei innføring')
- Tuhfa-tul-Majalis ('Gåver frå forsamlingar')
- Deen-e-Illahi ('Gud sin religion')
Kjelder [endre]
- ↑ urdu ریاض احمدگوھرشاہی
- ↑ 2,0 2,1 2,2 2,3 2,4 2,5 President of ASI
- ↑ Gohar Shahi, chief of Anjuman-e-Sarferoshan-e-Islam, granted pre-arrest bail, DAWN / NEWS International, 18/11-1997.
- ↑ Jesus meets Gohar Shahi i Amerika
- ↑ 5,0 5,1 Blasphemy Case List, Centre for legal aid, assistance and settlement, Aug. 2004.
- ↑ 6,0 6,1 SC moved against ban on controversial book, Daily Times, 8/7-2004.
- ↑ The fatwas given by Ulama regarding Riaz Ahmed Gohar Shahi (R.A.G.S.).
- ↑ 8,0 8,1 Country reports on human rights practices , US Deparment of State, 2000.
- ↑ Int’l Religious Freedom Report - May, 2001
