Rodinia

Frå Wikipedia – det frie oppslagsverket

Ei mogeleg framstilling av korleis kontinenta låg for 550 millionar år sidan etter at Rodinia braut opp i mindre bitar

Rodinia (frå russisk родина, eller «moderland») er eit tidligare superkontinent som truleg vart danna for omkring ein milliard år sidan i neoproterozoikum. Kontinentet låg hovudsakleg sør for ekvator, og dekka Sørpolen. For rundt 600 millionar år sidan var store deler av kontinentet dekka av isbrear.

Kontinentet byrja å sprekke opp før kambrium i Gondwana, Nord-Amerika, Sibir, Avalonia (England og deler av Belgia) samt Baltica, der det som skulle verte Noreg låg. Desse kontinenta gjekk seinare saman til superkontinentet Pangea, som sprakk opp til Laurasia (seinare Nord-Amerika og Asia) og Gondwana (Afrika, Sør-Amerika, Australia, Antarktis, Madagaskar og India).

[endre] Kjelder