Rolf Theil
| Rolf Theil | |||
 | |||
| Fødd | 30. oktober 1946 Porsgrunn | ||
|---|---|---|---|
| Nasjonalitet | Noreg | ||
| Område | språkvitskap | ||
| Yrke | lingvist, professor | ||
| Institusjonar | Universitetet i Oslo | ||
| Alma mater | Universitetet i Oslo Porsgrunn videregående skole | ||
Rolf Theil, tidlegare Rolf Theil Endresen, (fødd 30. oktober 1946 i Porsgrunn) er ein norsk professor og lingvist ved Universitetet i Oslo. Som språkforskar er han kognitivist, altså ein som ser språklege mønster og kategoriar i samanheng med menneskelege tenkjemåtar. Mellom fulaniane i Maasina i Mali går han under namnet Alfaa Hamiidu Bari.
Theil tok examen artium i 1965 og magistergraden i lingvistikk i 1975 med kinesisk og samisk som støttefag. Deretter var han professor i afrikansk og allmenn lingvistikk ved Universitetet i Oslo i 1994. Så lenge universitetet tilbaud afrikanske språkfag underviste han i fulfulde og hausa.[1] Forskinga hans har også krinsa mykje kring afrikanske språk; til dømes har han laga ei rettskriving for språket nizaa. Han har elles eit tilsvarande prosjekt på gang med ei skulebok i norsk romani.
Theil er ellers kjend for å vere temmeleg språkmektig. Han kan om lag 50 språk og har mellom anna vorte definert som glottoman i språkprogrammet Typisk norsk.[2]. Han har vore leiar i Landslaget for språklig samling frå 1987 til 1989[3] og redaktør for medlemsbladet Språklig Samling. Theil har også hatt eigne språkspalter i Klassekampen og i VG. I 2007 gav han ut ei populærvitskapleg bok med namnet Skyformasjonane på San Franciscos sørhimmel i grålysninga 30. april 1882 og grunnane til at vi ikkje har sett namn på dei. Reiser mellom språk.
Rolf Theil er gift og har ein son. Han er i dag busett i Jevnaker i Oppland.
Kjelder[endre | endre wikiteksten]
- «Rolf Theil» på Wikipedia på bokmål, innhenta 27. juli 2010.
- «Rolf Theil» i Allkunne, innhenta 27. juli 2010.
Referansar[endre | endre wikiteksten]
- ↑ Trine Nickelsen: «Rolf Theil Endresen: Grenselaust forelska i språk Arkivert 2011-10-02 ved Wayback Machine.» i Apollon (01.03.2001).
- ↑ Håkon M. Sverdrup: «Typisk norsk - program 8» på NRK.no (02.05.2005).
- ↑ «Tillitsfolk Arkivert 2013-11-02 ved Wayback Machine.» på Samnorsk.no.
Bakgrunnsstoff[endre | endre wikiteksten]
- Publikasjonar av Rolf Theil i forskingsdokumentasjonssystemet Cristin
- Publikasjonar av Rolf Theil i BIBSYS