Rotvelt

Frå Wikipedia – det frie oppslagsverket
Gå til: navigering, søk
Rotvelt i Sundbyberg i Sverige.

Ei rotvelt er eit tre som har blese overende og rive med seg rota slik at ho har vorte liggjande vertikalt. Ofte fylgjer det med jord og stein, som sit fast på røtene. Grantre bles lettare overende enn furutre, fordi grantrea har tunnare røter enn furua.

Å hogga rotvelter kan vera farleg, på grunn av at ein kan få rota over seg når ho vert kappa laus frå stammen. Nokre gongar vert rota ståande vertikalt av di ho er fastfrosen når stammen vert kappa av. Det er ikkje alltid råd å seia kva veg ho vil detta når ho tinar.