Sør-Georgia og Sør-Sandwichøyane

Flagget til Sør-Georgia og Sør-Sandwichøyane

Øyane ligg sør for Sør-Amerika

Sør-Georgia og Sør-Sandwichøyane (engelsk: South Georgia and the South Sandwich Islands) er eit britisk oversjøisk område. Argentina meiner at øyane er retteleg er argentinske, og gjer krav på området. Øyane vert administrerte frå Falklandsøyane. Frå 1982 har øyane feira 14. juni som frigjeringsdag. Ei grunnlov vart vedteken 3. oktober 1985. Lovgjevinga tek utgangspunkt i britisk lov.

NASA-satellittbilete av Sør-Geogia dekt av snø

Grytviken var frå tidleg på 1900-talet base for norske kvalfangarar. Etter at kvalfangsten tok slutt, er det få folk som bur på øyane. Om vinteren er det berre litt over ti fastbuande.

Under andre verdskrig (frå hausten 1943 til hausten 1944), var ei lita norsk styrke utplassert på Sør-Georgia. Styrkane skulle slå attende moglege åtak av japanske styrkar. Kulda og einsemda på øyane var eit større trugsmål enn japanske angrep. Sør-Georgia ligg i Søratlanteren, kring 1390 km søraust for Falklandsøyane. Den samla flatevidda er på 4066 km². Landskap på øya er prega av fjell, med 11 toppar over 2000 meter.

Klimaet på øyane er veldig variert med mest vestavind heile året. Det er periodar med vindstille, og nesten all nedbør fell som snø. Reinsdyr, som vart sett ut av dei norske kvalfangarane tidleg på 1900-talet, trivst i klimaet.

Øygruppa får innkomer frå sal av frimerke.

Cumberland Bukt med Thatcher Halvøy og Grytviken

Historical and modern settlements of South Georgia Island

Øygruppa har fått toppnivådomenet GS.

Dei 11 mindre øyane som dannar Sør-Sandwichøyane er, frå nord mot sør:

• Zavodovski
• Leskov (den minste)
• Visokoi
• Candlemas
• Vindication
• Saunders
• Montagu (den største)
• Bristol
• Bellingshausen
• Cook
• Thule

Bakgrunnsstoff

• King Edward Point research station
• Bird Island research station
• CIA World Factbook
• Sør-Georgia si offisielle heimeside