Sørum kommune

Frå Wikipedia – det frie oppslagsverket
Gå til: navigering, søk
Sørum kommune
Våpen Kart
Komm.nr. 0226
Fylke Akershus
Adm.senter Sørumsand
Areal 206 km²
Folkemengd 16 363 (1. jan 2012)
Politikk
Ordførar (2011-) Are Tomasgaard (Ap)
Målform Nøytral
Nettstad www.sorum.kommune.no
Folketalsutvikling 1951-2010[1]
Befolkningsutvikling kommune 0226.svg
Sørum kommune på Commons

Sørum kommune er ein kommune i Akershus fylke. Kommunen ligg på Romerike, på begge sider av Glomma, og grensar i nord til Ullensaker, i aust til Nes og Aurskog-Høland, i sør til Fet og i vest til Gjerdrum og Skedsmo. Administrasjonssenteret i Sørum kommune er Sørumsand.

Kommunen vart oppretta i 1963 da dei tidlegare kommunane Sørum og Blaker vart slått saman.[2]

Namnet Sørum kjem av norrønt suðr (sør) og heim. Kommunevåpenet vart godkjent i 1981 og har ei raud rose med fem kronblad mot ein gull bakgrunn. Motivet er basert på det gamle adelsvåpenet til Sudreimsætta.[3]

Næringsliv[endre | endre wikiteksten]

Jordbruksarealet og husdyrholdet er det største blant kommunane på Nedre Romerike. Jordbruket har vore viktig vest for Glomma der anslagsvis 40 % av arealet er dyrka mark. Korndyrking og storfehald er dei viktigaste driftsformene. Det kuperte landskapet vest for Glomma skapte tidlegare problem for mekaniseringa av jordbruket, og store areal er derfor planert ut. Industrien er dominert av verkstadindustri og kjemisk industri. Det er kraftstasjonar i Rånåfoss og Bingsfoss, begge i Glomma.[2]

Samferdsel[endre | endre wikiteksten]

I nordvest går E6 gjennom kommunen. Fylkesveg 171 (Frogner–Sørumsand–Aurskog) knyter kommunen med E6 til Lillestrøm og Oslo. Det er fylkesvegar på begge sider av Glomma til Nes (fylkesveg 173 og 175), og på austsida til Fet (fylkesveg 172). Heilt i sør går fylkesveg 170 Fetsund–Bjørkelangen, bygd som kompensasjon for Aurskog-Hølandsbanen (Sørumsand–Skulerud) som vart lagt ned i 1960. Det er bruer over Glomma ved Bingsfoss og Rånåsfoss. Hovedbanen og Gardermobanen frå 1998 går gjennom kommunen i nordvest. Kongsvingerbanen følgjer austsida av Glomma.[2]

Kjelder[endre | endre wikiteksten]

  1. Kjelde: SSB
  2. 2,0 2,1 2,2 Sørum – kommune. Store Norske Leksikon. Vitja 8. januar 2014.
  3. Sørum kommunevåpen. Sørum kommune. Vitja 8. januar 2014.

Bakgrunnsstoff[endre | endre wikiteksten]