Samuel Colman

Samuel Colman
Statsborgarskap	USA
Fødd	4. mars 1832 Portland i Maine
Død	26. mars 1920 (88 år) New York by
Yrke	kunstmålar, skribent
Sjanger	landskapsmåleri
Samuel Colman på Commons

Samuel Colman (4. mars 1832–26. mars 1920) var ein amerikansk målar. Han er særleg kjend for bilete av på Hudsonelva.

Colman var fødd i Portland i Maine, men familien flytta etterkvart til New York by. Allereie i barndommen byrja han teikna etter naturen, ved hamna i New York og på Hudsonelva, og ein trur han fekk opplæring ei tid av Asher Brown Durand frå kunstrørsla Hudson River School. Han stilte ut for fyrste gong ved National Academy of Design i 1850. I 1854 hadde han opna sitt eige galleri i New York. Året etter blei han vald til associate member i National Academy, og i 1862 blei han fullverdig medlem.

Colman reiste etterkvart til Europa og studerte kunst i Frankrike, Spania, Italia og Sveits. Han var med på å stifta det amerikanske akvarellselskapet, American Watercolor Society, som han var president for frå byrjinga i 1866 til 1871.

På 1860-talet budde Colman i Irvington i New York, der han utførte fleire måleri av landsbygda kring staden. Louis Comfort Tiffany, oppfinnaren av Tiffany-glas, var student av Colman medan han budde der.

Galleri

• 
  Storm King on the Hudson (1866), olje på lerret, Smithsonian American Art Museum
• 
  Late November in a Santa Barbara Cañon, California (ca. 1888), akvarell på papir, Brooklyn Museum
• 
  On the Viga, Outskirts of the City of Mexico (1892), olje på lerret, Brooklyn Museum
• 
  Spanish Peaks, Southern Colorado, Late Afternoon (1887)

Kjelder

• Denne artikkelen bygger på «Samuel Colman» frå Wikipedia på svensk, den 6. juli 2023.
  • Wikipedia på svensk oppgav desse kjeldene:
• Colman, Samuel i Nordisk familjebok (2:a upplagan, 1906)
• Colman, S. i Nordisk familjebok (2:a upplagans supplement, 1923)