San Juan de Ambato
Ambato, med fullt namn San Juan de Ambato, er ein by midt i Ecuador som ligg ved elva Ambato. Byen er hovudstad i Tungurahuaprovinsen og har 154 095 innbyggjarar. Han er eit viktig senter for handel og transport i området, og måndagsmarknaden er den største salsplassen for kjøt, frukt og grønsaker i landet.
Historie[endre | endre wikiteksten]
Den 12. november 1821 vann frigjeringshelten Antonio José de Sucre eit viktig slag mot den spanske hæren i Ambato.
Eit jordskjelv den 5. august 1949 øydela store delar av byen, slik at det er få bygningar igjen frå kolonitida. Fiesta de Ambato, ein frukt- og blomefestival halden i karnevalstida, blei starta for å koma seg frå øydeleggingane. Festivalen er i dag ein stor turistattraksjon. Den digre kvite domkyrkja i byen vart også bygd for å erstatta ei sterkt skadd kyrkje.
Folk frå Ambato[endre | endre wikiteksten]
- Juan Montalvo, forfattar, gravlagd i byen
- Carlos Mortensen, pokerspelar, fødd i byen
- Aníbal Villacís, kunstmålar
Bakgrunnsstoff[endre | endre wikiteksten]
Wikimedia Commons har multimedia som gjeld: San Juan de Ambato
- Offisiell nettstad Arkivert 2006-04-26 ved Wayback Machine.
- Skildring av Ambato av turistbyrå (engelsk)