Sanremo

Frå Wikipedia – det frie oppslagsverket
Gå til: navigering, søk
Sanremo
Plassering
Sanremo is located in Italia
Styresmakter
Land
Region
Provins
Italia Italia
Liguria
Imperia
Borgarmeister Christian Lunde
Geografi
Flatevidd
 - By

54 km²
Innbyggjarar
 - Totalt (2004)
   - folketettleik

56 903
  936/km²
Koordinatar 43°49′″N 7°47′″EKoordinatar: 43°49′″N 7°47′″E
Høgd over havet 15 m
Diverse annan informasjon
Postnummer 18038
Telefon-retningsnummer 0184
Nettstad: comunedisanremo.it

Sanremo eller San Remo er ein by i provinsen Imperia i regionen Liguria i Italia med om lag 55 000 innbyggjarar. Han ligg ved kysten av Middelhavet heilt vest i Liguria. Han vart grunnlagd i romartida og er ein kjend turistdestinasjon på den italienske rivieraen. Årleg er det fleire kulturarrangement i byen, som Sanremo Musikkfestival.

Historie[endre | endre wikiteksten]

Byen vart grunnlagd som ein romersk busetnad (Matutia eller Villa Matutiana) og voks tidleg i mellomalderen då innbyggjarane flytta opp i høgda og bygde ei borg her for å verne seg mot plyndringstokta til sarasenarane.

Sanremo kom under grevskapet Ventimiglia og seinare inn under biskopane i Genova, som i 1297 selde han til familiane Doria og De Mari. Han vart ein fri by på andre halvdel av 1400-talet. Den gamle landsbyen som voks fram på Pignaåsen i denne tida er særs godt bevart fram til i dag.

Ei smal gate i La Pigna.

Sanremo klarte å halde seg sjølvstendige frå Genova i lange tider, men i 1753, etter tjue år med harde kampar, vart Sanremo underlagt geneuesarane. Dei bygde festninga Santa Tecla på stranda nær hamna. Festninga vart nytta som fengsel fram til 2002 og vert i dag omforma til eit museum.

Etter den franske perioden under napoleonskrigane kom byen til Savoie i 1814 og vart då annektert av Kongedømet Sardinia.

Byen voks seg større frå misten av 1700-talet og utover og turistindustrien kom tidleg. Dei første hotella vart bygd og byen strekte seg langs kysten. På 1800-talet var det mange kjend namn som vitja byen, som keisarinne Elisabet av Austerrike, tsar Nikolai I av Russland, Alfred Nobel, Italo Calvino, keisarinne Maria Alexandrovna, som den russisk-ortodokse kyrkja var reist for i 1912 av eit lokalt russisk samfunn.

Bakgrunnsstoff[endre | endre wikiteksten]

Commons-logo.svg Commons har multimedia som gjeld: Sanremo

Kjelder[endre | endre wikiteksten]