Schwerin

Schwerin
Byvåpen	Plassering
Styresmakter
Land Delstat Regierungsbezirk‎ Landkreis	Tyskland Mecklenburg-Vorpommern Ingen Kreisfri by
Geografi
Flatevidd  - By	130,46 km²
Innbyggjarar  - By (2007)    - folketettleik	96 280   788/km²
Koordinatar	53°38′0″N 11°25′0″E
Høgd over havet	38 m
Tidssone - Ved sommartid	CET (UTC+1) CEST (UTC+2)
Diverse annan informasjon
Postnummer	19053, 19055, 19057, 19059, 19061, 19063
Telefon-retningsnummer	0385
Bilnummer	SN
Heimeside: www.schwerin.de

Schwerin er ein by i Tyskland og hovudstad i delstaten Mecklenburg-Vorpommern med om lag 95 000 innbyggjarar. Han ligg ved breidda av Schweriner See.

Historie

Schwerin er omgjeve av mange naturskjønne innsjøar. Den største av desse er Schweriner See med eit areal på 60 km². Midt i dette innsjøområdet slo obotrittarar seg ned her på 1000-talet. Området vart kalla Zuarin og namnet på Schwerin har sitt opphav i dette. I 1160 slo Henrik Løve obotrittarane og erobra Schwerin. Byen vart så erobra til eit mektig senter i regionen. Eit slott vart bygd og gjennom hundreåra utvida. Eit spøkelse kalla Petermänchen skal visstnok gå igjen i slottet.

Schweriner Schloss (parlamentet i Mecklenburg-Vorpommern)

I 1358 vart Schwerin ein del av Hertugdømet Mecklenburg, og var eit sete for hertugane her. Rundt 1500 byrja ein å byggje Schweriner Schloss, der hertugane heldt til. Etter delinga av Mecklenburg i 1621 vart Schwerin hovudstad i Hertugdømet Mecklenburg-Schwerin. Mellom 1765 og 1837 var byen Ludwigslust hovudstaden, før Schwerin etter kvart fekk denne oppgåva tilbake.

I 1918 og under den tyske revolusjonen då alle tyske monarki vart nedlagd, abdiserte storhertugen. Schwerin vart så hovudstad i delstaten Mecklenburg-Vorpommern.

Mot slutten av den andre verdskrigen, 2. mai 1945, kom amerikanske troppar til byen. Han vart gjeven til britane ein månad seinare, og i juli 1945 til sovjetiske styrkar. Schwerin låg så i den sovjetiske okkupasjonssonen som nokre år seinare vart Aust-Tyskland. Opphavleg var han hovudstad i den austtyske delstaten Vorpommern, men desse delstatane vart oppløyst i 1952, og byen vart hovudstad i distriktet Bezirk Schwerin.

Etter gjenforeininga i 1990 vart delstaten Mecklenburg-Vorpommern oppretta. Rostock var ein seriøs kandidat som delstatshovudstad, men valet fall til slutt på den tidlegare hovudstaden Schwerin.

Bakgrunnsstoff

• Schwerin

Kjelder

• Denne artikkelen er basert på ei omsetjing av artikkelen Schwerin frå Engelsk Wikipedia .