Selje

Frå Wikipedia – det frie oppslagsverket
Gå til: navigering, søk
Sjå òg kommunen Selje i Nordfjord.

Selje


Salix caprea
Salix caprea

Systematikk
Domene: Eukaryota
Rike: Plantae
Klasse: Eudicotyledonae
Orden: Malpighiales
Familie: Salicaceae
Tribus: Saliceae[1]
Slekt: Salix
Art: S. caprea
Vitskapleg namn
Salix caprea
Selje
Namn på andre språk
Norrønt Selja
Svensk Sälg
Dansk Selje-Pil
Engelsk Goat Willow, Pussy Willow, Great Sallow
Tysk Sal-Weide
Fransk Saule marsault
Spansk Sauce cabruno, salce cabruno, zargatillo
Russisk Iva kozia (Ива козья), bredina (бредина)
Selje med gåsungar. (Kjelde: biolib.de)

Selje (latin Salix caprea) er namnet på eit treslag av vierslekta i vierfamilien. Seljer skil seg ut frå dei fleste andre pilslaga ved at blada er breiare enn dei utprega langsmale pilblada.

Utsjånad[endre | endre wikiteksten]

Vekstform[endre | endre wikiteksten]

Seljer veks oftast i buskform med fleire stammar som blir kring 2–3 meter høge. Ved einstammig form i godt lys kan selja vakse til tre på 6–14 meters høgd — og unntaksvis opp til 20 m.

Blad[endre | endre wikiteksten]

Seljeblada er 5-12 cm lange, og grøne på oversida, men gråkvite på undersida. Her er dei kledde med filtaktige hår som truleg har som oppgåve å verna blada mot væsketap.

Blomster[endre | endre wikiteksten]

Selja blomstrar tidleg og på bar kvist. Knoppane er verna av eit brunt, blankt skal, medan blomeorgana er verna av grå dun eller pels som gjev dei ein særprega utsjånad. Dei mjuke, avrunda blomane blir gjerne kalla gåsungar.

Bruk[endre | endre wikiteksten]

Dyrefôr[endre | endre wikiteksten]

Lauv og greiner av selje blir tradisjonelt bruka til husdyrfôr i norsk landbruk — særleg for sauer og geiter.

Seljefløyte[endre | endre wikiteksten]

Når selja er særleg sevjerik kring slutten av mai og utover juni, har det vore vanleg å laga seljefløyter. Desse lagar ein ved å kappe seg eit fingertjukt emne av rett ved utan kvist. Ein kakkar på barken med knivskaftet til barken løysnar frå veden og ein kan vri barken forsiktig laus frå greina utan at han sprekk eller rivnar. Ein følgjer så ein av fleire metodar som alle har til felles at ein brukar ein del av ved-delen av emnet til å laga ein blokk med ein spalte i og eit vinkla dobbeltsnitt i barken slik at fløyta kan blåsast på som ei blokkfløyte. Korte seljefløyter kan vera korte piper med éin tone, dei kan vera stempelpiper med glissandotonar. Dei mest brukande instrumenta er fløyter som er lange nok til at ein kan få fram fleire overtonar på dei ved overblåsing.

Gåsungar på hannselja
Gåsungar på hoselja vert også kalla pusekattar

Høgtidsbruk[endre | endre wikiteksten]

Palmesøndag[endre | endre wikiteksten]

Det er vanleg å taka inn seljegreiner med gåsungar (lodne blomar) på til palmesøndag i mange norske familiar. Nokre stader blir den blomande selja endatil kalla palme i denne samanhengen.

Sjå òg[endre | endre wikiteksten]

Referansar[endre | endre wikiteksten]

  1. «Genus Salix (willows)». Taxonomy. UniProt. http://www.uniprot.org/taxonomy/40685. Henta 2010-02-04. 

Bakgrunnsstoff[endre | endre wikiteksten]