Sigdal kommune

Sigdal kommune
Komm.nr.	0621
Fylke	Buskerud
Adm.senter	Prestfoss
Areal	842 km²
Folkemengd	3 526 (1. jan 2012)
Politikk
Ordførar (2007-)	Kari Kolbræk Ask (Sp)
Målform	Bokmål
Nettstad	www.sigdal.kommune.no
Folketalsutvikling 1951-2010
Sigdal kommune på Commons

Sigdal er ein kommune i Buskerud fylke. Han grensar mot Flå i nord, Krødsherad i aust, Modum i søraust, Flesberg i sørvest, Rollag i sørvest , og Nore og Uvdal i vest.

Kommunen er prega av høgfjell og dalar. Kring 72 % av kommunen er dekka av skog, 20 % er fjell – vesentleg lågalpin sone. 4 % av flatevidda er dyrka og om lag 4 % er vatn og vassdrag. Til saman 842 km².

Innbyggjarane lever hovudsakleg av jord- og skogbruk og turisme.

Andersnatten

Dette kjende landemerket er både spennande og sagnomsust. Det karakteristiske fjellet har gjeve liv til både segn og eventyr. Den kjende kunstnaren Theodor Kittelsen budde like ved, og han brukte fjellet som inspirasjon til sine mest kjende trollteikningar. I dag er Andersnatten ein ynda valfartsstad for eventyrlystne fjellklatrarar, og den bratte veggen er skildra som eit fjellklatrareldorado.

Lauvlia

Theodor Kittelsen er kjent for sine stemningsfulle malerie og eventyrteikningar av troll, dyr og landskap. Han budde saman med familien i Lauvlia som ligg vakkert til ved Soneren i Sigdal. Det var den vakre utsikta som gav han inspirasjon til måleria og teikningaane sine.

Christian Skredsvig og Hagan

Her budde og arbeidde den kjende kunstnaren Christian Skredsvig (mellom anna kjend for måleriet «Gutten med seljefløyten») store delar av sitt liv. Staden har fantastisk utsikt over heile dalen, som med sin vakre natur har inspirert mange kunstnarar opp gjennom åra. Huset ber preg av å vera ein kunstnarheim. Her står alle møblar og mæleri intakt som då kunstnaren sjølv levde der. Her kan ein oppleva det særpreget og den sjarmen som gav han inspirasjon til måleria og bøkene sine.

Bakgrunnsstoff

• http://www.sigdal.no - Nettstad med nyhende og informasjon frå Sigdal
• kunstnerhjem.net
• Kommunefakta Buskerud frå Statistisk Sentralbyrå
• kunstnerhjem.net