Sikkim
.svg) | |
| Hovudstad | Gangtok |
| Flatevidd
- Rangering i India |
7 096 km² 27.. |
| Folketal (2001) - Rangering i India |
540 493 28.. |
| Grunnlagd | 16. mai 1975 |
| Offisielle språk | Nepali |
| Guvernør Øvste minister |
V. Rama Rao Pawan Kumar Chamling |
| Nettstad | sikkim.nic.in |
Sikkim er ein indisk stat i Himalaya. Det er den minst folkerike staten i India og den nest minste i flatemål. Sikkim var ein uavhengig stat styrt av Chogyal-monarkiet fram til 1975, da ei folkeavstemning gav fleirtal for å innlemme Sikkim i India som den 22. staten. Sikkim, som er ein rein innlandsstat, grensar til Nepal i vest, Tibet i nord og aust og Bhutan i søraust. I sør ligg den indiske staten Vest-Bengal. Det offisielle språket i Sikkim er nepali og dei mest utbreidde religionane er hinduisme og vajrayana-buddhisme. Gangtok er hovudstaden og den største byen.
Sikkim ligg ved foten av Himalaya-fjella, og den vesle staten har derfor mykje variasjon i landskapsformer og klimasonar — frå tropeklima i sør til tundra i nord. Kantjendjunga — verdas tredje høgste fjell — ligg i Sikkim, nær grensa til Nepal. På grunn av ryet for urørt fjellnatur og politisk stabilitet er Sikkim ein av dei mest vitja statane i India.
