Skagastølstindane
Frå Wikipedia – det frie oppslagsverket
| Skagastølstindane | |
|---|---|
 |
|
| Høgd over havet | Storen (2405 moh.) |
| Ligg i/på | Luster og Årdal i Sogn og Fjordane |
| Fjellkjede | Hurrungane, Jotunheimen |
Skagastølstindane, òg kalla Skagastølstindene og Skagastølsryggen, er ein rygg som ligg i fjellområdet Hurrungane, i den sørvestre delen av Jotunheimen. Skagastølstindane ligg på grensa mellom Luster og Årdal kommune i Sogn og Fjordane fylke. Toppen av Storen, som er den sørlegaste av Skagastølstindene, markerer kommunegrensa.
Skagastølstindane er den vestlegaste delen av Styggedals- og Skagastølsryggen, den høgastliggande fjellryggen i Noreg. Toppane langs Skagastølstindane er av dei høgaste toppane i Noreg og er, frå nord mot sør
- Nordre Skagastølstind (2167 moh.)
- Skagastølsnebbet (2222 moh.)
- Midtre Skagastølstind (2284 moh.)
- Vetle Skagastølstind (2340 moh.)
- Storen (2405 moh.)
Klatreturen over desse toppene vert kalla Skagastølstraversen.
