Slåtterøy fyrstasjon

Slåtterøy fyrstasjon
Slåtterøy fyr sett frå Såto på Gisøya
Fylke	Hordaland
Kommune	Bømlo
Funksjon	Kystfyr
Oppretta	1859
Koordinatar	59°54′29″N 5°4′2″E
Fyrtårn
Høgd	25 m
Form	Raudt med kvitt belte
Byggjemateriale	Støypejern
Fyrlys
Lyskarakter	Kvitt rundtlysande, med 2 lynblenk kvart 30. sekund.
Lysstyrke	5 180 000 cd
Lyshøgd	45,8 moh
Lysvidde	18,5 nm
Status
Eigar	Staten
Automatisert	1980-talet
Avfolka	2003
Vernestatus	Freda etter lov om kulturminner

Slåtterøy fyrstasjon ligg på øya Slåtterøya, ei av dei ytterste Fitjarøyane i Selbjørnsfjorden og høyrer i dag til Bømlo kommune. Fyret vart oppretta i 1859 og er 25 meter høgt. Fyret er det mest lyssterke i landet etter at det kom elektrisk kraft fram i 1958, og frå ei høgd på 45,8 meter over havet lyser lykta 18,5 nautiske mil ut i havet. Frå landingen og opp til fyret går ein 300-400 meter lang veg i hogd stein.

Fyret var heimstad til tre familiar fram til 1958, då desse vart flytta i land, medan vaktarane hadde hyblar på fyret.

Fyret vart automatisert på 1980-talet og avfolka i 2003. I 1999 vart fyret freda av Riksantikvaren med heimel i kulturminnelova.

Klima

Sidan juli 1923 har det vore vêrstasjon i drift på Slåtterøy. Denne vart automatisert i 1997. Slåtterøy er ein av stasjonane i Noreg med høgaste årsmiddeltemperatur.

Normalar for Slåtterøy fyr	Jan	Feb	Mar	Apr	Mai	Jun	Jul	Aug	Sep	Okt	Nov	Des	År
Temperaturnormal (°C)	2,5	2,1	3,1	5,0	8,7	11,5	13,1	13,8	11,9	9,5	5,9	3,8	7,6
Nedbør (mm)	110	83	93	68	68	79	82	116	165	164	163	137	1328