Snøbergkall
Snøbergkall | |
Snøbergkall Foto: Dominic Sherony
| |
Utbreiing og status | |
Status i verda: Kritisk truga Utbreiinga av Snøbergkall | |
Systematikk | |
Underrekkje: | Virveldyr Vertebrata |
Klasse: | Fuglar Aves |
Underklasse: | Neognathae |
Overorden: | Neoaves |
Orden: | Sporvefuglar Passeriformes |
Familie: | Omnfuglar Furnariidae |
Slekt: | Bergkallar Cinclodes |
Art: | Snøbergkall C. palliatus |
Vitskapleg namn | |
Cinclodes palliatus |
Snøbergkall (Cinclodes palliatus) er ein sterkt truga art av sporvefuglar i omnfuglfamilien.
Snøbergkallen er den klårt største bergkallen, 23-25 centimeter i kroppslengd, han skil seg òg frå andre bergkallar med kvit underside frå strupe til undergump. Brystet er markant breitt, og reint kvitt, oversida er brunraud. Oversida av hovudet er i grått og halen er mørk brun. Vaksne fuglar veg i området 99 til 109 gram. Lætet er snøgt skravlande 'pipipi'-trille, det kan bli eit akselererande og høgt 'wi-wi-wi-wi-wi...'.
Denne fuglen er endemisk for sentrale Peru, eit særs avgrensa og høgtliggande område i Junín-regionen, 4400-5000 moh. Habitatet er knytt til myrer og våtmarker med Distichia polsterplantar.
Populasjonen er trudd å ligge mellom 50 og 250 modne individ og er minkande. Arten er truga av øydelegging av habitat, inkludert gruvedrift i leveområdet.
Kjelder[endre | endre wikiteksten]
- BirdLife International (2014) Species factsheet: Cinclodes palliatus. Henta frå http://www.birdlife.org den 26. oktober 2014.
- Schulenberg, Thomas S., and Guy M. Kirwan. 2013. White-bellied Cinclodes (Cinclodes palliatus), Neotropical Birds Online (T. S. Schulenberg, Editor). Ithaca: Cornell Lab of Ornithology; henta den 26. oktober 2014
- Schulenberg, T., Stotz, D. Lane, D., O'Neill, J, & Parker, T. Birds of Peru. Christopher Helm, London. (2007) ISBN 978-0-7136-8673-9