Sorry Seems to Be the Hardest Word

Frå Wikipedia – det frie oppslagsverket
Gå til: navigering, søk
Sorry Seems to be the Hardest Word
Singel av Elton John
frå albumet Blue Moves
B-side «Shoulder Holster»
Utgjeve 1. november 1976
Innspelt Eastern Sound, Toronto, Ontario, Canada
Sjanger Softrock
Lengd 3:48
Selskap Rocket Records
MCA Records (US/Canada)
Låtskrivar(ar) Elton John
Bernie Taupin
Produsent Gus Dudgeon
Elton John-kronologi
«Don't Go Breaking My Heart»
(1976)
Sorry Seems to be the Hardest Word «Bite Your Lip (Get Up and Dance!)»
(1977)

«Sorry Seems to Be the Hardest Word» er ein song skriven av Elton John og Bernie Taupin. Han vart spelt inn av Elton John og utgjeven i 1976, både som singel og på albumet Blue Moves. Det var den andre singelen hans på Rocket Records. Songen er ein sørgmodig ballade om eit romantisk forhold som er i ferd med å falle saman. Det var òg ein av dei få songane der Elton John sjølv skreiv det meste av teksten. Normalt var det Taupin som skreiv teksten på John-Taupin-songane.

Songen var ein hitt i USA og Storbritannia og nådde 11. plass i Storbritannia og sjetteplass i USA. Songen selde til gullplate i USA i 1977.[1]

Songen vart òg gjeven ut på Greatest Hits Volume II året etter, men på grunn av opphavsrettsårsaker finst han ikkje lenger på noverande utgåver av dette albumet. Han finst no på Greatest Hits 1976-1986, The Very Best of Elton John og på Greatest Hits 1970-2002, samt fleire andre samleplater.

Songen vert òg nytta mykje i filmen Slap Shot frå 1977.

Andre versjonar[endre | endre wikiteksten]

Songen er spelt inn av mange andre artistar frå country til R&B.

I 1994 spelte countryartistane Suzy Bogguss og Chet Atkins inn songen. Eit år seinare spelte den argentinske artisten Pedro Aznar songen inn på spansk som «Ya no hay forma de pedir perdón».

I 1997 vart songen spelt inn av Steven Houghton.

I 2002 spelte boybandet Blue inn songen i lag med Elton John. Denne versjonen var produsert av Ray Ruffin og vart ein stor hit i Europa. Han gjekk til topps i Storbritannia og nådde andreplassen i Noreg.

Joe Cocker spelte inn songen for hyllestalbumet til Elton John/Bernie Taupin, Two Rooms: Celebrating the Songs of Elton John & Bernie Taupin i 1991. I 2004 vart det gjeven ut tre versjonar. Først av Ray Charles og Elton John i lag som ein «duett» på Charles-albumet Genius Loves Company, som kom ut etter han døydde. Det var ein av dei aller siste songane Charles spelte inn. Mary J. Blige spelte så inn songen for filmen Bridget Jones: The Edge of Reason. Kenny G spelte han så inn med Richard Marx for albumet At Last...The Duets Album.

I 2006 spelte saksofonisten Michael Lington inn songen for albumet A Song for You.[2][3]

Sarah Darling spelte in songen i 2001 for albumet Angels & Devils.

Kjelder[endre | endre wikiteksten]

  1. Whitburn, Joel (2002). Top Adult Contemporary: 1961-2001. Record Research. s. 128. 
  2. «A Song for You overview». Allmusic.com. http://www.allmusic.com/album/r860022. 
  3. «Michael Lington - A Song for You». SmoothViews.com. http://www.smoothviews.com/cdreviews/lington_asongforyou.htm.