Sossen Krohg

Sossen Krohg
Statsborgarskap	Noreg
Fødd	18. desember 1923 Christiania
Død	12. februar 2016 (92 år)
Yrke	skodespelforfattar, teaterskodespelar, filmskodespelar, fjernsynsskodespelar, manusforfattar, skribent, stemmeskodespelar
Språk	norsk
Ektefelle	Thorleif Schjelderup, Guy Krohg

Sossen Finne Anker Krohg (18. desember 1923–12. februar 2016) var ein norsk skodespelar som har arbeidd på teater, film og fjernsyn. Ho er best kjend for folk flest som Astrid Anker-Hansen i dramaserien Hotel Cæsar på TV 2, ei rolle ho spelte samanhengande frå 1998 til april 2010.

Sossen Krohg vart fødd i Oslo. Ho tok eksamen ved teaterskulen på Det Norske Teater i 1946 og vart tilsett med ein gong. Derfrå gjekk det vidare til Folketeateret, der ho var tilsett fram til 1960. I 1966 var ho med på å starte opp den kjende Club 7 i Oslo, og var tilsett der ved Scene 7 fram til 1985. Sossen Krohg har budd og arbeidd i Paris i fleire periodar av livet sitt, og franske viser har vorte ein av spesialitetane hennar.

Krohg var gift med Thorleif Schjelderup mellom 1940 og 1944, og dei fekk to barn saman. Seinare gifta ho seg med kunstnaren Guy Krohg, son av målaren Per Krohg og barnebarn av målaren Christian Krohg.

I 2010 fekk ho Gullrutens heiderspris saman med mangeårig Cæsar-kollega Anette Hoff.

Filmografi

• 1949 Døden er et kjærtegn, «Vera»
• 1950 Min kone er uskyldig
• 1968 De ukjentes marked
• 1972 Kampen om Mardøla, «Kommentator»
• 1975 Eddie & Suzanne, «Fransk hybelvertinne»
• 1977 Det tause flertall, «Dame med puddel»
• 1978 Hvem har bestemt..!?, «Hans mor»
• 1979 Ingen roser...takk, «Moren»
• 1980 Liv og død, «Diddi»
• 1988 Hotel St. Pauli, «Morgans mor»
• 1989 Bryllupsfesten, «Ingegerd B. Holm»
• 1990 Herman, «Fru Jacobsen»
• 1990 Måker, «Sangerinne»
• 1994 Det var en gang...
• 1994 Drømspel, «Don Juans venninne»
• 1995 Sønnen
• 2002 Glasskår