Sotsji

Sotsji Сочи
Sotsji sett frå Svartehavet
Flagget til Sotsji Byvåpenet til Sotsji
Plassering
Sotsji
Styresmakter
Land	Russland
Føderasjonssubjekt	Krasnodar kraj
Grunnlagd Bystatus	1838 1917
Borgarmeister	Dsjambulat Tsjatuov
Geografi
Flatevidd  - By	3 502 km²
Innbyggjarar  - Totalt (2007)    - folketettleik	331 100   94,5 /km²
Koordinatar	43°36′0″N 39°43′0″E
Høgd over havet	30 moh
Tidssone - Ved sommartid	MSK (UTC+3) MSD (UTC+4)
Diverse annan informasjon
Postnummer	354000–354396
Retningsnummer (tlf)	(+7)8622
Nettstad: www.sochiadm.ru

Sotsji (russisk Сочи) er ein russisk kurstad ved Svartehavet og foten av Kaukasus der mellom anna det høgaste fjellet i Europa, Elbrus, ligg på 5648 moh. Byen skal arrangere Vinter-OL 2014. Byen har om lag 330 000 innbyggjarar og ligg i Krasnodar kraj. Byen har ein internasjonal flyplass, Adler-Sotsji lufthamn, ei hamn og jernbanesamband.

Historie

Frå 700-talet til 1600-talet høyrte området til kongane av Georgia, som bygde eit dusin kyrkjer der. I bydelen Loo står ruinane etter ein bysantinsk basilika frå 1200-talet. Frå 1600-talet vart kysten dominert av Det osmanske riket. Etter den tyrkisk-russiske krig vart byen formelt avstått til Russland i Adrianopeltraktaten i 1829.

Byen vart offsielt grunnlagt i 1838 som fortet og busetnaden Aleksandrija (Александрия). Fortet fekk det nye namnet Navaginskij (Навагинский) alt i 1839. Under krimkrigen vart det gjeve opp av dei russiske styrker og vart ikkje gjenoppbygd før i 1864 som utposten Dakhovskij (Даховский). I 1874 fekk utposten det nye namnet Dakhovskij Posad (Даховский Посад).

Byen fekk så namnet Sotsji i 1896. Det nye namnet er frå ybiske namnet på elva som renn gjennom byen, Soatsjsje (eventuelt frå det adygeiske Sjatsja).

Under Sovjetunionen utvikla byen seg til ei særs populær kur- og badeby. Josef Stalin bygde seg ein datsja der og han vert rekna for å ha vore hans yndlingsdatsja. Den russiske staten har framleis ein representasjonsstad der, der ein stundom bringar utanlandske dignitærar.

Klima

Sotsji og omegn har det varmaste klima i Russland. Snø er ytst sjeldan i låglandet, sidan gjennomsnittstemperaturen i dei kaldaste månadane er +7 C (januar og februar). I juli er gjennomsnittstemperaturen + 26 C. Somrane er lange og varme, noko som saman med kjeldene, grønkledde fjell og fine strender langs Svartehavet har gjort byen til ein populær ferieby.

I dag

Sotsji har mange hotell, sanatorium og mineralbad. Vegetasjonen er subtropisk med palmer, blomster og parker. Sør for sentrum finst den høgt lovpriste Dendrarij botaniske hage med mange eksotiske planter. Utanfor byen ligg Dagomy teplantasje og nord for byen finn ein det kaukasiske biosfærereservatet, som UNESCO har oppført som del av verdsarva.

Byen har eit delfinarium og mange sportsanlegg for tennis, fotball og symjing. Om vinteren er det skisport i fjella nokre få mil innanfor byen. Kvar sommar vert filmfestivalen «Kinotavr» halde i Sotsji.

Den 4. juli 2007 vart det avgjort at Sotsji skal arrangere Vinter-OL 2014. Dei to konkurrerande kandidatbyane var sørkoreanske Pyeongchang og austerrikske Salzburg.

Bakgrunnsstoff

Commons har multimedia som gjeld: Sotsji

Kjelde

• Denne artikkelen bygger på «Sotsji» frå Wikipedia på bokmål, den 30. november 2008.