Souk El Gharb
| Souk El Gharb | |||
| سوق الغرب | |||
| by | |||
| Land |  Libanon
| ||
|---|---|---|---|
| Guvernement | Libanonfjella guvernement | ||
| Distrikt | Aley distrikt | ||
| Høgd | 674−750 moh. | ||
| Koordinatar | 33°47′33″N 35°33′45″E / 33.7925°N 35.5625°E | ||
| Tidssone | EET (UTC+2) | ||
| - Sommartid | EEST (UTC+3) | ||
| Retningsnummer | +961 | ||
 Souk El Gharb 33°47′33″N 35°33′45″E / 33.7925°N 35.5625°E | |||
  | |||
| Wikimedia Commons: Souk El Gharb | |||
Souk El Gharb (òg skreve Suk, Sug al, ul) er ein landsby i Libanonfjella guvernement i Aley distrikt i Libanon. Namnet på byen tyder «Vestleg marknd».
Før den libanesiske borgarkrigen var han ein velståande fjellferieby, i fjellet Chouf i Libanonfjella kringsett av furuskog med utsyn over St. Georgbukta og Beirut. Han ligg berre nokre få kilometer frå fjellbyen Aley, og vert i dag rekna som ein av forstadane til Aley. Landsbyane som ligg mellom Aley og Souk El Gharb er Bmakine, Ain el-Sayydé (Vår frue-kjelda) og Ain el-Rimmané (granateple-kjelde). Sør for Souk El Gharb ligg landsbyen Kaifun.
Kyrkjer[endre | endre wikiteksten]
- St. Georg gresk-katolske kloster i Bmakine.
- St. Georg gresk-ortodokse kloster, som vart oppretta i 1570 og som tener som sommarsetet til den ortodokse metropolitten i Beirut.[1]
Historie[endre | endre wikiteksten]
Det finst romersk ruinar i byen. Andre byggverk går minst attende til 1500-talet.
Byen var åstad for fleire slag under borgarkrigen. Staden vart halden av den libanesiske hæren i staden for militsen, noko som ofte var mot store odds og mot støtta frå dei syriske styrkane. Dette førte til at byen vart øydelagd under krigen.
Slaget ved Souk El Gharb i september 1983[endre | endre wikiteksten]
Souk-El-Gharb var ofte nemnt i borgarkrigen, men under i september 1983 fekk han merksemd frå heile verda fordi amerikanske marinestyrkar var involvert. Bakgrunnen for slaget var den israelske invasjonen av Libanon. I august 1983 trekte Israel seg ut av Chouf-distriktet (søraust for Beirut), og fjerna dermed ein buffer mellom drusarar og den kristne militsen, og utløyste ein runde med brutale kampar. I september hadde drusarane kontroll over det meste av Chouf. Men det var den nominelt ikkje-sekteriske libanesiske hæren (LAF) som fungerte som blokkerande styrke i Suk El Gharb i september 1983, og hindre militsen passasje til presidentpalasset i Baabda.
Baabda låg nedanfor Beirut-Aley-Damaskus-vegen. Militsen som kom frå sør måtte krysse Suk El Gharb for å nå Beirut-Aley-vegen. I tillegg kontrollerte Suk El Gharb ein rygg oppom Baabda, Yarze, som var staden der forsvarsdepartemenet held til, og Aust-Beirut. Frå ryggen kunne artilleristar frå militsen skyte direkte nedover til desse stadane.
Leiaren for den libanesiske hæren prøvde å få amerikanarane involvert, og argumenterte at dei burde involvere seg, sidan syrarane støtta militsen. Etter først ha nekta, gjekk amerikanarane med på dette då Suk El Gharb stod i fare for å bli overkøyrd.[2] USS «Virginia» (CGN-38), USS «John Rodgers» (DD-983), USS «Bowen» og USS «Arthur W. Radford» fyrte 338 skot frå 127 mm-kanonar for å støtte den libanesiske hæren i forsvaret av Suk El Gharb. LAF klarte å halde byen, men det er eit ope spørsmål om dei hadde klart dette utan støtte frå den amerikanske marinen.[3][4]Mykje av byen vart øydelagd i kampane.
Somme forfattar, som Thomas Friedman, peikar på at denne kanonelden var første gongen der amerikanske styrkar vart sett på som deltakarar i ein borgarkrig og ikkje ein fredsbevarande styrke, og at dette opna opp for hemnaksjonar mot amerikanarane.[5][6]
Bruk av landminer i nærleiken av byen er framleis eit problem.[7]
Kjelder[endre | endre wikiteksten]
- Denne artikkelen bygger på «Souk El Gharb» frå Wikipedia på engelsk, den 13. juli 2014.
- Wikipedia på engelsk oppgav desse kjeldene:
- ↑ Quartos gresk-ortodokse Metropolitan of Beirut web site
- ↑ From Beirut to Jerusalem Amazon.com ISBN ISBN 0-385-41372-6 Thomas Friedman
- ↑ IN THE DRUSE HILLS, A BURST OF ANGER IS DIRECTED AT U.S NYT By E. J. DIONNE JR., SPECIAL TO THE NEW YORK TIMES (NYT); Foreign Desk September 21, 1983, Wednesday Late City Final Edition, Section A, Page 1, Column 5 Accessed Oct. 13, 2007
- ↑ U.S. WARSHIPS FIRE IN DIRECT SUPPORT OF LEBANESE ARMY By BERNARD GWERTZMAN, SPECIAL TO THE NEW YORK TIMES (NYT); Foreign Desk September 20, 1983, Tuesday Late City Final Edition, Section A, Page 1, Column 5, Henta 13. juli 2014
- ↑ [1] Thomas Friedman Book
- ↑ Tactical Lessons For Peacekeeping U.S. Multinational Force in Beirut 1982-1984 Small Wars Journal Major Ronald F. Baczkowski, USMC, Henta 13. juli 2014
- ↑ Landmine and Unexploded Ordnance Problem i Libanon Demining Research at the University of Western Australia, Landmine and Unexploded Ordnance Problem i Libanon, Report by A/Prof. James Trevelyan, University of Western Australia
Hovudstad: Aley | ||
| Byar og landsbyar | Ain Aanoub · Ainab · Al Azzounieh · Abey · Aghmeed · Ain Dara · Aley · Aramoun · Baissour · Basateen · Bdadoun · Bechamoun · Bmahray · Bsous · Shemlan · Kahale · Kaifun · Al Nreijat · Nabaa Al Safa · Qmatiye · Saoufar · Souk El Gharb · Silfaya |  |
| Kjende landemerke | ||
| Kjende folk | ||
