Spikarjarn

Frå Wikipedia – det frie oppslagsverket
Gå til: navigering, søk
Spikarjarn.
Fjerning av golvbord med spikarjarn.

Spikarjarn eller brekkjarn er ein snikkarreiskap som vert nytta for å trekkja ut gamal fastrusta spikar med og for å løysa bord, riva forskaling osb.

Utforming[endre | endre wikiteksten]

Spikarjarn er ofte laga av ei heksagonalt står, for at det skal vera betre å få eit godt tak. Den eine enden er forma som ei klo, med ei kløyv som vert nytta for å ta tak i spikar som skal dragast ut. Begge endane er flate for at det skal vera lettare å få dei inn under bord og plankar som skal løysast.

Bruk[endre | endre wikiteksten]

Forskalingssnikkarar nyttar ofte spikarjarn når dei skal fjerna forskaling, bygningsarbeidarar nyttar det for å riva gamal kledning og liknade under restaurering, men òg under nybygg. Båtbyggarar gjer seg òg nytte av spikarjarn for ymse oppgåver. Mange huseigarar, som sjølve gjer mindre reparasjonsarbeid, har ofte eit spikarjarn i kjellaren, eller i ei snikkarbu.

Sjå òg[endre | endre wikiteksten]