Spisshalesnipe

Frå Wikipedia – det frie oppslagsverket
Gå til: navigering, søk
Spisshalesnipe

Status i verda: LC Livskraftig

Spisshalesnipe på TaiwanFoto: Alder Share
Spisshalesnipe på Taiwan
Foto: Alder Share

Systematikk
Rike: Animalia
Rekkje: Chordata
Klasse: Aves
Orden: Charadriiformes
Familie: Scolopacidae
Slekt: Calidris
Art: C. acuminata
Vitskapleg namn
Calidris acuminata

Spisshalesnipe (Calidris acuminata) er ein vadefugl i snipefamilien. Arten hekkar i nordaustre Sibir og trekker til Ny-Guinea og Australia.

Spisshalesnipa måler 17-21 cm centimeter,[1] og veg 60 gram.[2] Ho er ei brunspetta snipe med raudbrun krone, mørk øyestripe, kvit augebryn og kvit augering. Undersida er kvit, beina gulgrøne og nebbet er gråbrunt med grønleg base og svakt det er nedbøygd. I hekkedrakt er oversida farga med nøttebrunt og gulbrune fjørkanter, brystet er oransjebeige. Brystet og kroppsidene er kraftig svartflekka. Ikkje-hekkedrakt er utan svarte flekker på strupe bryst og sider, og drakta har blassare farger. Ungfuglar er meir raudlege enn vaksne utan hekkedrakt.

Spisshalesnipa er ein sterk trekkfugl, hekkar i Sibir, mellom elvane Lena og Kolyma, og trekker til Australia, Ny-Guinea, nokre få til New Zealand, Vanuatu, Fiji og Ny-Caledonia. Utanom hekketida beitar og kviler spisshalesniper i flokkar saman med andre vadefuglartar ved ferskvass og saltvasslaguner. Spisshalesnipa er ein sjeldan streiffugl til Vest-Europa.

Populasjonen er estimert til ca. 100 000 hekkande par i Sibir, (2009) og er stabil.[3]

Kjelder[endre | endre wikiteksten]

  • Barrie Heather og Hugh Robertson, The Field Guide to the Birds of New Zealand (revised edition), Viking, 2005

Referansar[endre | endre wikiteksten]

  1. Svensson, Lars et al (2011). Gyldendals store fugleguide. Gyldendal norsk forlag. ISBN 978-82-05-41882-0.
  2. Barrie Heather og Hugh Robertson
  3. BirdLife International (2012) Species factsheet: Calidris acuminata. Henta frå http://www.birdlife.org den 23. oktober 2012.

Bakgrunnsstoff[endre | endre wikiteksten]

Commons-logo.svg Commons har multimedia som gjeld: Spisshalesnipe