Statsministerens kontor
Statsministerens kontor (SMK) hjelper Statsministeren med å leie og samordne regjeringa sitt arbeid, blant anna ved å førebu, gjennomføre og følgje opp regjeringskonferansane. Kontoret har også ansvar for å førebu, gjennomføre og følgje opp statsrådet sine møte hos Kongen. Kontoret syter for den formelle kontakta mellom regjeringa og Stortinget, og samordnar regjeringsmedlemmane si deltaking i Stortinget sine debattar og spørretimar. Kontoret hjelper også statsministeren med det internasjonale arbeidet hans, og har arbeidsgjevarfunksjonar for samtlege politikarar i departementa.
Statsministeren sitt kontor ligg i Høyblokka i Regjeringskvartalet, med statsministeren sitt arbeidsrom heilt øvst.
Innhaldsliste |
Politisk leiing [endre]
Statsminister er Jens Stoltenberg frå Arbeidarpartiet.
Statsråd ved statsministeren sitt kontor [endre]
Frå 20. oktober 2009:
- Karl Eirik Schjøtt-Pedersen (Ap) - stabssjef og samordningsminister
Statsministeren sitt kontor har også fleire statssekretærar og politiske rådgjevarar.
Administrativ leiing [endre]
I tillegg til statsministeren og den politiske staben, har Statsministerens kontor ein fast stab på ca. 60 personar. Staben er delt i tre avdelingar og ein seksjon.
Regjeringsråd Nina Frisak leiar den faste staben ved Statsministerens kontor. Ho har ansvaret for den daglege drifta av kontoret. Dette omfattar også arbeidsgjevaroppgåver for dei politiske stillingane ved Statsministerens kontor og i departementa.
Den administrative leiinga består elles av:
- Assisterende regjeringsråd Arne Spildo
- Ekspedisjonssjef Henning Henriksen
- Ekspedisjonssjef Målfrid Bjærum
- Ekspedisjonssjef Ingvard Havnen
Historie [endre]
Statsministerens kontor har ansvar for sentrale sekretariatsoppgåver. Desse har vore utført utan avbrot siden oppløysinga av det dansk-norske riket våren 1814. Statsministeren har hatt eit eige sekretariat med fleire medarbeidarar sidan regjeringa i 1945 kom tilbake til Oslo, etter eksil i London under den andre verdskrigen. I 1950 blei namnet «Statsministerens kontor» offisielt teke i bruk, og i 1956 blei kontoret formelt etablert med tre statssekretærar og embetsverk. I 1969 blei statsrådssekretariatet sine oppgåver lagt til Statsministerens kontor. To sentrale funksjonar frå tidleg på 1800-talet var dermed samla – Statsrådet sitt sekretariat og statsministeren.
