Steinfluger

Frå Wikipedia – det frie oppslagsverket
(Omdirigert frå Steinfluge)
Steinfluger
Systematikk
Rike: Dyr Animalia
Infrarike: Protostomia
Rekkje: Leddyr Arthropoda
Underrekkje: Seksfotingar Hexapoda
Klasse: Insekt Insecta
Underklasse: Flygande insekt Pterygota
Infraklasse: Neoptera
Orden: Steinfluger Plecoptera
Burmeister, 1839

Steinfluger (Plecoptera) er ei gruppe flygande insekt som lever i tilknytnad til vatn over heile verda. Dei er hemimetabole, og nymfane er viktige planteetarar i ferskvassøkosystem.

Det er registrert om lag 1 600 artar, 35 av dei er funne i Noreg.

Kjenneteikn[endre | endre wikiteksten]

Steinfluger er 3,5 til 30 millimeter lange insekt med to par membranøse vengjer dei faldar over bakkroppen når dei sit stille. Dei vaksne insekta har reduserte munndelar, forlenga antenner og som regel to lange, tynne haletrådar. Kroppane er mjuke, og hjå dei fleste artane mørkt farga. Grøngule til gule former førekjem òg.

Nymfane liknar dei vaksne, men manglar vengjer og har meir utvikla munndelar.

Levesett[endre | endre wikiteksten]

Steinfluger lever mesteparten av livet sitt som nymfar. Som vaksne lever dei ikkje lenge, men dei tek likevel til seg noko føde før dei formeirar seg. Kort etter paring døyr dei.

Nymfane til steinflugene lever i botnsubstratet i ferskvatn, som regel fest på eller under steinar. Det er dette dei har fått namnet sitt frå. Dei spelar ei viktig rolle både som primærkonsumentar og bytteorganismar i ferskvassøkosystem, særleg i rennande vatn.

Kjelder[endre | endre wikiteksten]

  • Bährmann, Rudolf: Bestimmung wirbelloser Tiere Elsevier GmbH 2005
  • Brusca & Brusca: Invertebrates Sinauer 2002
  • Entomologi.no