Svalbardvalmue

Svalbardvalmue
Svalbardvalmue
Systematikk
Rike:	Plantae
Rekkje:	Magnoliophyta
Familie:	Valmuefamilien Papaveraceae
Slekt:	Papáver Linné
Art:	P. dahliánum
Vitskapleg namn
Papaver dahlianum Nordh.

Svalbardvalmue ( Papaver dahlianum) er ein plante i valmuefamilien. Svalbardrådet har utropt han til fylkesblomster for Svalbard.

Det latinske artsnamnet dahlianum har planten fått etter den norske botanikaren Ove Dahl, som arbeidde i mange år i Finnmark.

Utsjånad

Svalbardvalmuen er om lag 15 cm høg. Han har lodne blad som sit i ein rosett. Blomsterskaftet har mindre hår. Blomsteren er gul eller kvit, 2-4 cm i diameter, med fire kronblad. Frøkapselen er klubbeforma, breiast på toppen.

Økologi

Svalbardvalmue veks på sand og grus, gjerne på rasmark og ved elvekantar. Han toler dårleg konkurranse frå tett vegetasjon. Han er vanleg på heile Svalbard, elles veks han på Varangerhalvøya og nordaust på Grønland.

Kjelder:

Blomsteren er oftast kvit, men det er òg vanleg med gule blomstrar

• Johannes Lid Norsk og svensk flora Det Norske Samlaget 1974 ISBN 82-521-0297-2
• Olav Gjærevoll and Olaf I. Rønning 1980: Flowers f Svalbard ISBN 82-00-05398-9
• Botanisk museum

Bakgrunnsstoff

Commons har multimedia som gjeld: Svalbardvalmue