Svartraudstjert

Frå Wikipedia – det frie oppslagsverket
Gå til: navigering, søk
Svartraudstjert

Status i verda: LC Livskraftig
Status i Noreg: VU Sårbar[1]

Foto: Carles Pastor

Foto: Carles Pastor

Systematikk
Rike: Animalia
Rekkje: Chordata
Klasse: Aves
Orden: Passeriformes
Familie: Muscicapidae
Slekt: Phoenicurus
Art: P. ochruros
Vitskapleg namn
Phoenicurus ochruros
S. G. Gmelin, 1774

Svartraudstjert (Phoenicurus ochruros) er ein fugl i flugesnapparfamilien.

Utsjånad[endre | endre wikiteksten]

Fuglen er om lag 14,5 cm lang og veg 14-20 gram. Hannen er om våren gråsvart på hovud, rygg og mage, og har lyse område på vengane og ein iaugefallande oransjeraud stjert. Hoa er anonymt gråbrunt farga og har brunraud stjert.

Læte[endre | endre wikiteksten]

Sangen består av pipetonar og kraftige triller og høyrest stri. I det nordlege Europa er svart raudstjert saman med svarttrasten av fuglane som først byrjar synge i gryet.

Utbreiing og taksonomi[endre | endre wikiteksten]

Arten har ei palearktisk utbreiing og hekker i Eurasia og i Marokko i Nord-Afrika. Delar av populasjonen er trekkfuglar som overvintrar i Middelhavsområdet, det nordlege Afrika så langt sør som Etiopia og Somalia, Midtausten, India og det søraustre Asia så langt aust som til Burma.

Taksonomi[endre | endre wikiteksten]

Det rår ikkje konsensus om kva for ei familie raudstjertane høyrer til. Tidlegare vart dei rekna til trastefamilien, men vert nå oftast plasserte i familien flugesnapparar i underfamilien Saxicolinae saman med t.d. buskskvettar og steinskvettar.

Hekking[endre | endre wikiteksten]

Hoa bygg eit relativt slurvete reir og legg fire til seks lysesblå til kvite egg. Ho rugar sidan einsam på egga i 12 til 16 dagar. Ungfuglane vert mata av begge foreldra i 12 til 19 dagar. Ofte førekjem to kull om året.

Føde[endre | endre wikiteksten]

Fuglen et insekt og om hausten noko bær. Han finn maten på marka eller jagar forbiflygande insekt frå ein sitteplass.

Spire Denne biologiartikkelen er ei spire. Du kan hjelpe Nynorsk Wikipedia gjennom å utvide han.



Referansar[endre | endre wikiteksten]

  1. Raudlistedatabasen (vitja 18. november 2011)

Kjelder[endre | endre wikiteksten]