Sveio kommune

Sveio kommune
Komm.nr.	1216
Fylke	Hordaland
Adm.senter	Sveio
Areal	246 km²
Folkemengd	5 245 (1. jan 2012)
Politikk
Ordførar (2011-)	Ruth Grethe Eriksen (H)
Målform	Nynorsk
Nettstad	www.sveio.kommune.no/
Folketalsutvikling 1951-2010
Sveio kommune på Commons

Sveio er den sørlegaste kommunen i Hordaland fylke. Han ligg på ei halvøy som peiker nordover og grensar til Haugesund og Tysvær i Rogaland fylke. Halvøya ligg mellom Bømlafjorden i vest og Ålfjorden i aust. Sveio kan både reknast for å høyra til Haugalandet og Sunnhordland.

Sveio sett austover frå lufta. Sentrum av Sveio ligg kring midten av biletet. Nedst til høgre ligg Ryvarden fyrstasjon og Mølstrevågen. Fjorden i bakgrunnen er Ålfjorden.

Folk bur spreidd i fleire tettstader, dei største er Førde, Sveio, Valevåg, Auklandshamn og Buavåg. Sveio har fleire vatn med røsslyngheier rundt, og seks slike område er verna.

Området har vore busett sidan steinalderen. Det ligg godt til ut mot havet, midtvegs mellom Stavanger og Bergen, og var lenge viktig for reisande langs kystleia.

Trekantsambandet med undersjøisk tunnel gjev samband nordover til øya Stord. Europaveg 39, hovudvegen mellom Bergen og Stavanger, går gjennom kommunen. Buavåg har ferjesamband til Langevåg sør på Bømlo.

Bakgrunnsstoff

• Korleis kome seg til Sveio, med kart over kommunen
• Om verna våtmarksområde i Sveio
• Kommunefakta (Hordaland) - frå Statistisk sentralbyrå