Swaziland

Umbuso weSwatini Kingdom of Swaziland (norsk: Swaziland, swazilandsk)
Flagg Riksvåpen
Nasjonalsong	«Nkulunkulu Mnikati wetibusiso temaSwati»
Motto	Swati: Siyinqaba (Vi er festninga)
Offisielle språk	Swati og engelsk
Hovudstad	Mbabane
Styresett Konge Statsminister	Monarki Mswati III Barnabas Sibusiso Dlamini
Flatevidd  – Totalt  – Andel vatn	17 364 km² (155.) 0,9 %
Folketal  – Estimert (2012)  – Tettleik	1 386 914 (151.) 79,9 /km² (99.)
Sjølvstende   - Dato	Frå Storbritannia 6. september 1968
Nasjonaldag	6. september
BNP  – Totalt (2010)  – Per innbyggjar	6 055 mill. USD (151.) 4 500 USD (127.)
Valuta	Lilangeni
Tidssone	UTC +2
Telefonkode	+268
Toppnivådomene	.sz

Kongeriket Swaziland er eit kongedøme i det sørlege Afrika. Staten er ein av dei minste i Afrika, og ligg mellom Sør-Afrika og Mosambik på austsida av fjellkjeda Drakensberg. Namnet er kalla opp etter bantufolket swazi.

Administrativ inndeling

Swaziland er inndelt i fire provinsar: Hhohho, Lubombo, Manzini og Shiselweni.

Fakta

• Lågaste punkt: Elva Great Usutu, 21 moh.
• Naturressursar: Asbest, kol, vasskraft, skog, små mengder med gull og diamantar
• Folkestnaden sin gjennomsnittsalder: 18,5 år (2002)
• Folkesetnaden si midellivslengde: 39,5 år (2003)
• Spedbarnsdøydelegheit: 6,7 % (2003)
• Etniske grupper: afrikanarar 97 %, europearar 3 %
• Religion: zionistar (ei blandning av kristendom og dyrking av forfedrar) 40 %, katolikkar 20 %, muslimar 10 %, andre 30 %
• Analfabetisme: I 2003 var om lag 20 % av folkesetnaden over 15 år analfabete

Kart over Swaziland

Klima

Fjella i landet gjev store skilnader i temperatur og nedbør. I dei høgareliggande områda mot vest er vinteren tørr og mild, og nettene vert ofte kalde. Sommaren er varm med litt meir nedbør, men temperaturane vert sjeldan veldig høg. Mbabane har ein årleg nedbørsnormal på 1401 mm. Landet heller mot aust, og grenseområda mot Mosambikk er lågland med nesten tropisk klima. Sommaren her er varm og fuktig.