Sykehus til Alta

Frå Wikipedia – det frie oppslagsverket

Sykehus til Alta er ei valliste i Finnmark som stilte til stortingsvalet 2013. Lista gjekk til val på ei lokalpolitisk sak: det å få til ein ny sjukehusstruktur i Vest-Finnmark med sentrum i eit nytt, moderne, sjukehus i Alta.

Initiativet starta som ei gruppe med same namn på Facebook. I januar 2013 vart ein invitert til å «like» gruppa for å vise at ein ønskte at det skulle arbeidast for ei eiga stortingsliste. To veker seinare samla lista inn 1 467 underskrifter og vallista vart godkjend av Finnmark fylkesvalgstyre 6. mai 2013.[1]

Det var ti namn på vallista, der ni kom frå Alta og ein frå Karasjok. Lista skulle opphøyre dersom ho ikkje fekk inn representantar på Stortinget til valet i 2013. Som listetopp stod Raymond Londal.[2][3]

Kjelder[endre | endre wikiteksten]

Referansar[endre | endre wikiteksten]

  1. Regjeringa: Stortingsvalget 2013. Finnmark Finnmárku. Besøkt 4. juli 2013.
  2. Liste til stortingsvalget i Finnmark 2013: Sykehus til Alta Arkivert 2015-09-24 ved Wayback Machine.. Besøkt 4. juli 2013.
  3. Assad Nasir: Finnmark (Valg 2013). Besøkt 4. juli 2013.

Bakgrunnsstoff[endre | endre wikiteksten]