Te Kuiti

Frå Wikipedia – det frie oppslagsverket
Gå til: navigering, søk
Te Kuiti
Land: Flag of New Zealand.svg New Zealand
Te Kuiti is located in New Zealand
Folketal: 4 419[1]
Distrikt
Namn: Waitomo District Council
Leiar: Mark Ammon
Heimeside: http://www.waitomo.govt.nz
Regionstyre
Namn: Environment Waikato
Heimeside http://www.ew.govt.nz/

Te Kuiti er ein liten by sør i regionen WaikatoNordøyaNew Zealand. Han ligg i krysset mellom riksvegane State Highway 3 og 30, og ved jarnvegslinja North Island Main Trunk Railway, 70 km sør for Hamilton. Byen ligg i distriktet Waitomo og er sete for distriktsstyret, Waitomo District Council.

Ved folketeljinga i 2006 hadde byen eit innbyggjartal på 4 419, ein oppgang på 45 frå 2001[1]. Byen marknadsfører seg sjølv som «Verdas saueklipparhovudstad», og er tilskipar av den årlege newzealandske meisterskapen i saueklipping[2].

Geografi[endre | endre wikiteksten]

Te Kuiti ligg om lag 80 km sør for Hamilton og 19 km søraust for Waitomo. Landområdet kring Te Kuiti, til vanleg kjend som King Country, har gjeve namnet til det lokale rugbylaget i Te Kuiti.

Historie[endre | endre wikiteksten]

Te Kuiti er maorinamnet på området. I si opphavlege form, «Te Kuititanga», tyder det bokstaveleg tala dalen, inneklemminga eller innsnevringa[3].

Turisme[endre | endre wikiteksten]

«Saueklipparhovudstaden» har verdas største saueklipparstatue, sju meter høg. Den nasjonale meisterskapen i saueklipping finn stad kvart år seint i mars eller tidleg i april[2].

Statue som markerer saueklippeverksemda i Te Kuiti.
Te Kuiti sett frå sørvest, der State Highway 3 fører ut av byen.

Det rikt utskorne Te Tokanganui-A-Noho møtehuset (marae) vart gjeve til den lokale maori iwien Ngati Maniapoto av Te Kooti, ein kjend maorileiar, som vart gjeven ly her i 1864, under New Zealand-krigane[2].

Den japanske hagen, Tatsuno, er også eit velkjend turistmål i byen. [4]

Geologi[endre | endre wikiteksten]

Avsetjingar frå kalkstein har danna grottesystemet Waitomo Caves, nordvest for byen. Grottene er eit av dei mest vitja turistmåla på New Zealand.

Bakgrunnsstoff[endre | endre wikiteksten]

Referansar[endre | endre wikiteksten]

  1. 1,0 1,1 Frå folketeljinga 2006. Statistics New Zealand
  2. 2,0 2,1 2,2 L. Harper, T. Mudd, P. Whitfield, D. Hall (2006) Rough Guide to New Zealand, s. 280 – Rough Guides, New York - London - Delhi. ISBN 1-84353-679-X.
  3. [1] Te Ara Encyclopedia of New Zealand
  4. [2] vitja 12. mars 2009

Koordinatar: 38°20.1′S 175°9.9′E