Thailandsk dans

Frå Wikipedia – det frie oppslagsverket
(Omdirigert frå Thailandske dansar)
Gå til: navigering, søk
Thailandsk dans ved eit tempel på Koh Samui.

Thailandsk dans (thailandsk รำไทย, ram thai) kan grovdelast i klassiske danseformer (som er i slekt med klassisk indisk dans) og folkedans.

Klassiske dansedrama[endre | endre wikiteksten]

Khon[endre | endre wikiteksten]

Khon framført i Frankfurt i 2006.

Khon er namnet på ein maskedans som tilhøyrer dei klassiske dansane. Denne typen dans fortel tradisjonelle soger, som regel frå Ramakien (den thailandske versjonen av Ramayana). Koreografien og kostyma følgjer tradisjonen. Nokre av dansarane ber masker.

Lakhon[endre | endre wikiteksten]

Lakhon er ei anna klassisk danseform som kan fortelja fleire moglege forteljingar, som folkesoger og buddhistiske djatakasoger. Denne dansen har som regel grupper av dansarar som opptrer saman, heller enn som individuelle dansarar. Lakhon nai oppstod som hoffdans i Ayutthaya og Bangkok, og blei tradisjonelt framført for kongelege. Lakhon nok har meir folkelege røter og har tradisjonelt blitt framført ved buddhisttempel. Andre former for lakhon er påverka av vestleg teater og kan ha meir realistisk uttrykk.

Folkedans[endre | endre wikiteksten]

Det finst ei rekkje ulike typar folkedans frå ulike delar av Thailand.

  • Menora eller nora er ein type dansedrama frå Sør-Thailand og Nord-Malaysia. Framstillinga kan visa fram ei soge (til dømes ei djataka-soge frå Manohara) eller ein sketsj. Dansen er kjenneteikna av langsame, rytmiske rørsler med føter, armar og fingrar.[1]
  • Romvong eller ramwong er ein folkedans som blei populær på 1940-talet. Han er avleidd frå den eldre dansen ramthone. Ramwong blir dansa parvis av fleire par. Han er karakterisert av grasiøse handrørsler.[2]

Kjelder[endre | endre wikiteksten]

Bakgrunnsstoff[endre | endre wikiteksten]

Commons-logo.svg Commons har multimedia som gjeld: Thailandsk dans