The Lamb Lies Down on Broadway

Frå Wikipedia – det frie oppslagsverket
Gå til: navigering, søk
The Lamb Lies Down on Broadway
Studioalbum av Genesis
Utgjeve 18. november 1974
Innspelt august–oktober 1974 i Island Mobile Studios i Wales
Sjanger Progressiv rock
Lengd 94:22
Selskap Charisma, Atco
Produsent John Burns, Genesis
Kritikk
Genesis-kronologi
Selling England by the Pound
(1973)
The Lamb Lies Down on Broadway A Trick of the Tail
(1976)

The Lamb Lies Down on Broadway er eit dobbelt konseptalbum spelt inn og gjeve ut i 1974 av det britiske rockebandet Genesis. Det vart det sjette studioalbumet til gruppa og det siste med songaren Peter Gabriel.

Soge[endre | endre wikiteksten]

Albumet fortel ei surrealistisk soge om ein halvt puertoricansk ungdomsforbrytar kalla Rael som bur i New York City, og som vert feia under jorda og møter mange bisarre skapningar og marerittaktige farar for å redde broren John.[5] Fleire av episodane og stadane i soga kom frå draumane til Gabriel, og namnet til hovudpersonen er ei etterlikning av etternamnet hans. I dokumentaren «Genesis: A History» frå 1991 seier Phil Collins at albumet handlar om delt personlegdom. I denne samanhengen trur Rael at han leitar etter John, medan han i røynda leiter enn den andre delen av seg sjølv. Dei individuelle songane har mange satiriske allusjonar til mytologi, den seksuelle revolusjonen, marknadsføring og konsumerisme. Tittelsporet, «The Carpet Crawlers» og «In the Cage» vart spelt mykje på konsertane til bandet. Både «In the Cage» og «The Carpet Crawlers» var på Turn it On Again: The Tour i 2007, med «The Carpet Crawlers» som avslutningsnummer.

Bakgrunn[endre | endre wikiteksten]

Peter Gabriel var ikkje med under skrivinga av musikken og øvingane til albumet på grunn av personlege problem. Kona hans hadde vanskar med det første svangerskapet sitt.[6] Musikken vart derfor i hovudsak skriven av Tony Banks, Phil Collins og Mike Rutherford, med nokre bidrag frå Steve Hackett og først så godt som ingenting frå Gabriel. Gabriel insisterte derimot på å skrive soga og heile teksten sjølv, noko som skapte noko uro, særleg fordi Rutherford opphavleg hadde foreslått eit anna prosjekt for bandet, eit album basert på Antoine de Saint Exupéry sin Den lille prinsen. Banks og Rutherford skreiv nokre tekstar for «The Light Dies Down on Broadway», sidan Gabriel ikkje kom med noko sjølv mellom «Ravine» og «Riding the Scree». I tillegg då Gabriel sette tekst til eit stykke skrive av eit anna bandmedlem (som på Banks sin «The Lamia» og Hackett sin «Here Comes the Supernatural Anaesthetist») endra dei stundom teksten slik at det betre høvde med musikken, noko Gabriel mislikte sterkt.

«Fly on a Windshield» kom opphavleg til som ein improvisasjon av bandet, etter ein idé som bassist/gitarist Mike Rutherford hadde. Klaverspelar Tony Banks sa, «Me brukte mange stemningar på albumet, og stundom var det ikkje noko meir enn improvisasjonar over ein idé. Til dømes kunne Mike sei 'Faraoar reiser ned Nilen', og så starta han å spele to akkordar som resten av oss hang seg med på i den særskilde stemninga. Akkurat denne enda opp på albumet som 'Fly On A Windshield'».[7]

Den dåverande kona til Gabriel, Jill, har sagt at Gabriel skreiv hovudmelodien til «The Carpet Crawlers», noko han var særskild stolt av.[8] Songar som «Anyway» og «Lilywhite Lilith» vart utvikla frå tidlegare unytta songar frå 1969.

Under førproduksjonen av albumet vart Gabriel kontakta av filmskapar William Friedkin (som på denne tida hadde stor suksess med Exorcisten), om eit mogeleg filmprosjekt etter at Friedkin las novella til Gabriel på omslaget til Genesis Live.[5] Trass i at bandet meinte at han ikkje burde gjere dette, forlet Gabriel dei for å arbeide på eit manus. Prosjektet vart derimot ikkje noko av. Friedkin arbeidde i staden med Tangerine Dream for den neste filmen sin Sorcerer), og Gabriel drog attende til bandet.

Utgjeving[endre | endre wikiteksten]

The Lamb Lies Down on Broadway nådde 10. plass i Storbritannia og 41. plass i USA og selde etter kvart til gullplate der, men fekk stort sett blanda kritikk. Då det kom ut drog Genesis på verdsturné og spelte albumet frå start til slutt 102 gonger. Lamb-turneen skulle starte 29. oktober 1974, men på grunn av ein skade i handa til Steve Hackett, vart turneen utsett til 12. november.[8] Den første konserten var i Auditorium Theatre i Chicago i Illinois den 20. november 1974. Den siste konserten under turneen var 22. mai 1975 i Palais des Sports i Besançon i Frankrike. Tidleg i turneen hadde Gabriel avgjort å slutte i bandet, men gjorde ferdig turneen og annonserte offentleg at han slutta i august 1975.

Peter Gabriel nytta, som på tidlegare turnear, mange masker og kostyme. I tillegg vart det nytta tre skjermar bak bandet som synte gangen i soga. Turneen var prega av fleire spinal tap-augneblink. Skjermane fungerte sjeldan som dei skulle gjennom heile konsertane, berre fire eller fem konsertar gjekk utan noko feil. Gabriel hadde ofte vanskar med å høyrast gjennom kostyma sine, særleg kostymet Slipperman. Under ei framføring av «It» på ein konsert i Oslo, førte feilen til ein regissør til ein kraftig eksplosjon så heile bandet stoppa å spele i frykt for tryggleiken sin.

Ingen av konsertane vart filma i sin heilskap, men fleire mindre bitar vart filma. 5.1 DVD-utgåva av The Lamb kom ut i november 2008 med ein visuell «rekonstruksjon» av konserten, der dei originale bakgrunnsfilmane frå konserten vart nytta i lag med piratkopiar og bilete.

I 2004 snakka Genesis om å kome saman att for ein kort turné med «The Lamb Lies Down On Broadway». Gabriel trekte seg derimot til slutt på grunn av soloarbeidet sitt.

Mottaking[endre | endre wikiteksten]

I Q & Mojo Classic Special Edition Pink Floyd & The Story of Prog Rock, var albumet på 14. plass på lista over «40 Cosmic Rock Albums».[9]

Albumet kom på 9. plass på lista til Uncut over dei «10 beste konseptalbuma», der det vart skildra som eit «impressjonistisk og intenst album» og «reint teater (på ein god måte) og framleis det beste verket til Gabriel.»».[10]

Dei lange tekstane og den komplekse musikken er tema for ei bok[11] skriven av Kevin Holm-Hudson, ein musikkprofessorar. Holm-Hudson skriv «...The Lamb stig fram som eit av dei rikaste kreative verka i 1970-åra».

Innhald[endre | endre wikiteksten]

  • Atco endra to songtitlar for den amerikanske utgjevinga: «The Carpet Crawl» til «The Carpet Crawlers» og «Here Comes The Supernatural Anaesthetist» til «The Supernatural Anaesthetist"

Alle songar er skrivne av Tony Banks, Phil Collins, Peter Gabriel, Steve Hackett og Mike Rutherford.. 

Side ein
# Tittel Lengd
1. «The Lamb Lies Down on Broadway»   4:55
2. «Fly on a Windshield»   2:47
3. «Broadway Melody of 1974»   2:11
4. «Cuckoo Cocoon»   2:14
5. «In the Cage»   8:15
6. «The Grand Parade of Lifeless Packaging»   2:45
Side to
# Tittel Lengd
1. «Back in N.Y.C.»   5:49
2. «Hairless Heart»   2:13
3. «Counting Out Time»   3:45
4. «The Carpet Crawlers»   5:16
5. «The Chamber of 32 Doors»   5:44
Side tre
# Tittel Lengd
1. «Lilywhite Lilith»   2:40
2. «The Waiting Room»   5:28
3. «Anyway»   3:18
4. «Here Comes the Supernatural Anaesthetist»   2:50
5. «The Lamia»   6:57
6. «Silent Sorrow in Empty Boats»   3:06
Side fire
# Tittel Lengd
1. «The Colony of Slippermen»   8:14
2. «Ravine»   2:05
3. «The Light Dies Down on Broadway»   3:32
4. «Riding the Scree»   3:56
5. «In the Rapids»   2:24
6. «It.»   4:58

Medverkande[endre | endre wikiteksten]

Andre medverkande
  • Brian Eno – enossification (handsamingar)

Lister[endre | endre wikiteksten]

År Liste Plassering
1974 UK album chart 10
Billboard Pop Albums 41

Salstrofé[endre | endre wikiteksten]

Organisasjon Nivå Dato
BPI – UK Gold 1 February 1975
CRIA – Canada Gold 1. mai 1978
RIAA – USA Gold 20 April 1990

Kjelder[endre | endre wikiteksten]

  1. Erlewine, Stephen Thomas (2011 [last update]). «The Lamb Lies Down on Broadway – Genesis | AllMusic». allmusic.com. http://www.allmusic.com/album/the-lamb-lies-down-on-broadway-r8170/review. Henta 24. september 2012. 
  2. Easlea, Daryl (23 April 2007). «BBC – Music – Review of Genesis – The Lamb Lies Down On Broadway». BBC. http://www.bbc.co.uk/music/reviews/pgn8. Henta 24. september 2012. 
  3. Christgau, Robert (2011 [last update]). «Robert Christgau: Album: Genesis: The Lamb Lies Down on Broadway». robertchristgau.com. http://www.robertchristgau.com/get_album.php?id=6905. Henta 24. september 2012. 
  4. Nathan Brackett; Christian David Hoard (2004). The new Rolling Stone album guide. New York: Simon & Schuster. s. 327. ISBN 978-0-7432-0169-8. 
  5. 5,0 5,1 Daryl Easlea (23 April 2007). «Classic Pop/Rock Review – Genesis, The Lamb Lies Down on Broadway». BBC. Arkivert frå originalen den 13 June 2007. http://web.archive.org/web/20070613214807/http://www.bbc.co.uk/music/release/pgn8. Henta 30. september 2012. 
  6. Genesis: A History. VHS Polygram Music Video (PMV), 082 769–3, VHS Virgin Video, 1991.
  7. The Book of Genesis by Hugh Fielder, published 1984
  8. 8,0 8,1 "Peter Gabriel: An Authorized Biography by Spence Bright, 1988, pub. 1989 by Headline Book Publishing PLC, ISBN 0-7472-3231-8».
  9. Q Classic: Pink Floyd & The Story of Prog Rock, 2005.
  10. Uncut, mai 2007, Issue 120.
  11. Genesis and the Lamb Lies Down on Broadway, Kevin Holm-Hudson. Ashgate, 2008. ISBN 978-0-7546-6139-9.

Bakgrunnsstoff[endre | endre wikiteksten]