The Moviegoer

Frå Wikipedia – det frie oppslagsverket
Gå til: navigering, søk
The Moviegoer
Studioalbum av Scott Walker
Utgjeve Oktober 1972[1]
Innspelt Hausten 1972
Sjanger Easy Listening, pop
Lengd 38:00
Selskap Philips
Contour (1975)
Produsent John Franz
Scott Walker-kronologi
'Til the Band Comes In
(1970)
The Moviegoer Any Day Now
(1973)

The Moviegoer er det sjuande studioalbumet til den amerikanske songaren Scott Walker. Det kom ut i oktober 1972, men selde dårleg. Det vart ikkje gjeve ut singlar frå albumet, men «This Way Mary» vart seinare gjeve ut som B-sida til singelen «The Me I Never Knew» i 1973. Albumet består utelukkande av songar frå filmar tidlegare spelt inn av andre artistar.

Albumet var det første av seks studioalbum der Walker ikkje skreiv nokre av songane. Walker mista den kreative kontrollen over musikken sin etter at dei to førre albuma Scott 4 og 'Til the Band Comes In selde dårleg, og Walker vart bede om å spele inn eit «harmlast, venleg album som lett kunne marknadsførar og seljast».[2] Walker fekk likevel velje ut songane til albumet og henta dei frå favorittfilmane sine.[3]

Albumet vart raskt sett saman hausten 1972 med dei vanlege studiomusikarane til Walker, som bestod av produsenten Johnny Franz og lydteknikaren Peter J. Olliff. Nytt for dette albumet var at Robert Cornford vart henta inn til å gjere orkesterarrangementa. Trass i at ein prøvde å gjere albumet meir kommersielt fekk det dårleg kritikk då det kom ut i oktober 1972. Albumet vart gjeve ut på ny i 1974 på Contour med nytt plateomslaget. Albumet har sidan blitt sletta og ikkje gjeve ut på nytt. Ein trur det kjem av at Walker var misnøgd med albumet. Dei fleste av songane er likevel gjevne ut på samleplatene 5 Easy Pieces (2003) og Classics & Collectibles (2005). «Glory Road», «The Summer Knows» og «The Ballad of Sacco and Vanzetti» finst på 5 Easy Pieces (2003), medan «Loss Of Love», «Come Saturday Morning», «That Night», «This Way Mary», «A Face In The Crowd», «Speak Softly Love», «Easy Come Easy Go» finst på samlinga Classics & Collectibles. Berre «Joe Hill» og «All His Children» er ikkje gjeve ut på ny.

Mottaking[endre | endre wikiteksten]

Platemeldingar
Meldingar
Kjelde Karakter
Allmusic 2/5 starsStar full.svgStar empty.svgStar empty.svgStar empty.svg[4]

Som dei fleste albuma til Walker i 1970-åra, fekk The Moviegoer dårleg kritikk då det kom, men kritikken har blitt mildare med åra. I Walker-biografien A Deep Shade of Blue, tilrådar Mike Watkinson og Pete Anderson albumet berre til dei største tilhengjarane av Scott Walker,[3] men omtalar «The Ballad of Sacco and Vanzetti» som det utvilsame høgdepunktet med ei Spaghetti Western-kjensle som minna om «The Seventh Seal» frå Scott 4.[3]

Stephen Thomas Erlewine skriv på Allmusic om The Moviegoer at det var «harmlaus pop levert utan at Scott hadde lagt sjela si i det».[4]

Innhald[endre | endre wikiteksten]

Side ein
# Tittel Låtskrivar(ar) Lengd
1. «This Way Mary» (Tema frå Mary, Queen of Scots) John Barry, Don Black 2:30
2. «Speak Softly Love» (Kjærleikstema frå Gudfaren) Nino Rota 3:50
3. «Glory Road» (Tema frå W.U.S.A.) Neil Diamond 3:32
4. «That Night» (Tema frå The Fox) Lalo Schifrin, Norman Gimbel 2:50
5. «The Summer Knows» (Tema frå Summer of '42) Michel Legrand, Alan Bergman, Marilyn Bergman 3:30
6. «The Ballad of Sacco and Vanzetti (Here's to You)» (Tema frå Sacco and Vanzetti) Joan Baez, Ennio Morricone 3:32
Side to
# Tittel Låtskrivar(ar) Lengd
7. «A Face in the Crowd» (Tema frå Le Mans) Bergman, Michel Legrand 3:22
8. «Joe Hill» (Tema frå The Ballad of Joe Hill) Stefan Grossman 2:22
9. «Loss Of Love» (Tema frå Sunflower) Henry Mancini, Bob Merrill 3:07
10. «All His Children» (Tema frå Never Give an Inch) Henry Mancini, Alan Bergman, Marilyn Bergman 2:51
11. «Come Saturday Morning» (Tema frå Pookie) Fred Karlin, Dory Previn 3:34
12. «Easy Come Easy Go» (Tema frå They Shoot Horses, Don't They?) Johnny Green, Edward Heyman 3:00

Medverkande[endre | endre wikiteksten]

  • Scott Walker – vokal
  • Johnny Franz – produsent
  • Peter J. Olliff – lydteknikar
  • Robert Cornford – Orkesterdirigent

Kjelder[endre | endre wikiteksten]

  1. Watkinson, Mike; Anderson, Pete (1994). Scott Walker - A Deep Shade Of Blue (1st ed.). London: Virgin Books. s. 168. ISBN 1 85227 482 4. 
  2. Reynolds, Anthony (2009). The Impossible Dream (1st ed.). London: Jawbone Books. s. 258. ISBN 978-1-906002-25-1. 
  3. 3,0 3,1 3,2 Watkinson, Mike; Anderson, Pete (1994). Scott Walker - A Deep Shade Of Blue (1st ed.). London: Virgin Books. s. 168. ISBN 1 85227 482 4. 
  4. 4,0 4,1 Erlewine, Stephen Thomas. «Review: The Moviegoer - Scott Walker». Allmusic. http://www.allmusic.com/album/r52262. Henta 22. juni 2010.