The Sims

Denne artikkelen handlar om det fyrste spelet i serien. For artikkelen om heile serien, sjå The Sims-serien.

The Sims
Utviklar(ar)	Maxis
Utgjevar(ar)	Electronic Arts
Serie	The Sims
Sjanger	Livssimulering
Spelmodus	Einspelar
Plattform(er)	Microsoft Windows, Mac OS, PlayStation 2, Xbox, GameCube
Utgjeving	Windows NA 4. februar 2000 Macintosh NA 25.juli 2000 PAL 15.august 2001 PlayStation 2 NA 12.januar 2003 PAL 31.januar 2003 Xbox NA 24.mars 2003 PAL 4.april 2003 GameCube NA 25.mars 2003 PAL 4.april 2003 EU 21.september 2003
Medium	DVD
Stødde einingar	tastatur, datamus

The Sims er eit strategi simulasjons dataspel utvikla av Maxis og gjeve ut av Electronic Arts. Utviklinga vart i hovudsak leda av Will Wright, som òg skapte SimCity. Spelet kom ut i februar 2000. Spelaren styrar virtuelle personar, kalla simmar, i dagliglivet deira.

Etterfølgjaren, The Sims 2, kom ut i 2004.

Gameplay

I The Sims skal ein kontrollere virtuelle personar, kalla «simmar» (simulation people - simulerte folk) i en familie, der du bestemmer kva skal gjere og korleis dei skal ha det. Kvar sim har 8 forskjellige behov (det varierer litt på dei forskjellige aldersstega); svolt, hygiene, blære, sosial, energi, komfort, moro og miljø. Kor bra behova er oppfylt, verkar inn på humøret deira. Dei har også ynskjer og bekymringar som du kan prøve å oppfylle. Ynskja verkar også inn på humøret. Om ein simm er i godt humør kan det føre til at simmen vert forfremma på jobben og ein får betre råd til kjøpe nye ting til huset. Om ein Simm er i dårleg humør, kan det gå ut over arbeidet på jobben eller skulenkarakteren. I verste fall kan ein vaksen simm miste jobben.

Tilleggspakkar

The Sims er eit av dei mest utvida dataspela noko sinne og har fått til saman sju tilleggspakkar. Desse tilfører spelet meir innhald, som nye møbel, figurar og funksjonar.

The Sims: Livin' It Up

The Sims: Livin' It Up er den fyrste tilleggspakken for The Sims, og fokuserer på å legge til nye ukonvensjonelle figurar, karrierar, utstyr og funksjonar.

The Sims: House Party

The Sims: House Party er den andre tilleggspakken for The Sims. House Party gjer det mogleg å skipe festar og samankomstar hos heimane til simmane. Omslaget til House Party fekk ny design oktober 2002 for å stå i stil med omslaga til tilleggspakkane Hot Date og On Holiday.

The Sims: Hot Date

The Sims: Hot Date er den tredje tilleggspakken for The Sims. Hot Date gjer det mogleg for simmar å forlate heimane sine og reise til nye destinasjonar. I denne tilleggspakken er den nye destinasjonen "Downtown", som består av ti tomter. Alle tilleggspakkane som kjem etter Hot Date tilfører nye destinasjonar. Hot Date har også eit nytt system for forhold mellom simmar, der ein målestokk viser langsiktig forhold mellom simmar og ein annan viser kortsiktig forhold. Simmar kan også bere med seg utstyr og gje gåver til andre.

The Sims: On Holiday

The Sims: On Holiday er den fjerde tilleggspakken for The Sims. On Holiday er det fyrste The Sims-spelet med norsk tekst og tilfører eit nytt område, kalla "Vacation Island" der simmar kan ta ferie med familiemedlemmer eller andre simmar. Dette er fyrste gong simmar kan bli verande på andre tomter heimanfrå, i og med at spelet kan lagrast medan simmane er på ferie. Ferieøya er delt inn i tre soner med ulike miljø: strand, skog og snødekte fjell. Simmane kan overnatte på hotell eller leige eit telt eller iglo for å sove ute. Det er også mogleg å kjøpe eller finne suvenirar.

The Sims: Unleashed

The Sims: Unleashed er den femte tilleggspakken for The Sims. Unleashed tilfører i hovudsak kjæledyr i spelet. Hundar og kattar er kontrollerte som vanlege simmar, medan andre dyr er behandla som objekt elles i spelet. Tilleggspakken utvidar nabolaget frå ti tomter til å omfatte over førti, der ein kan velje om tomtene skal vere private eller offentlege. Dei offentlege tomtene kan endrast til å ha butikkar, kafear og andre forretningar.

The Sims: Superstar

The Sims: Superstar er den sjette tilleggspakken for The Sims. Denne tilleggspakken lèt simmane til spelaren bli underhaldningsfigurar eller kjendisar. Nokre ekte kjendisar er med i spelet men kan ikkje kontrollerast av spelaren. Av desse kan nemnast Andy Warhol, Marilyn Monroe, Jon Bon Jovi, Christina Aguilera, Freddie Prinze, Jr., Sarah McLachlan, Richie Sambora, og Avril Lavigne. Superstar legg til nye karrierar og fritidsutsty, og har eit nytt område kalla "Studio Town". Dette området fungerer som arbeidsplass for kjendisar eller kan besøkast av vanlege simmar for fritid og underhaldning.

The Sims: Makin' Magic

The Sims: Makin' Magic er den sjuande og siste tilleggspakken for The Sims. Pakken introduserer magi i spelet og lèt simmane kaste trolldom og kjøpe ingrediensar for å koke magiske brygg. Makin' Magic tilfører ein ny by i spelet, som har kjøpmenn som sel magiske ingrediensar og utstyr i tillegg til eit tal magi-relaterte minispel. Det er også mogleg å busette seg på nokre eigedommar i denne byen. Dette markerer fyrste gongen ein kan bu utanfor nabolaget i The Sims, og dei nye eigedommane har nokre vriar som nye grasteksturar og andre bakgrunnslydar. Med tilleggspakken følgjer ein disk som har ei førehandvisning av The Sims 2.

Musikk

Musikken på spelet blei komponert av Jerry Martin, Marc Russo, Kirk R. Casey, og Dix Bruce. Spelet inneheld trettisju spor, der femten av dei vart publisert i 2007 som eit offisielt soundtrack album. Dei fleste av spora inneheld ikkje vokalar, men nokon av dei har Simlish (simske) tekstar.

Tilbakemelding

I 2002 blei The Sims det mest selte PC-spelet i historia, og då forskyv spelet Myst, ved å selje meir enn 11 300 000 eksemplar over heile verda. Pr. 7.februar 2005 har spelet selt 16 000 000 eksemplar. Kritikarar hylla spelet med positive vurderingar. Det har vært ein suksess på mange måtar; m.a. han det tiltrekke seg hobbyspelarar og kvinnelige spelarar (sistnemnte gjer opp nesten 60% av spelarane). Open speling i spel har blitt gjort før. Eit døme på dette er simuleringsserien basert på landbruk, Harvest-Moon. Likevel har The Sims sikkert vunne populariteten for denne stilen speling. I mars 2009 annonserte Electronic Arts at The Sims, som ein franchise, har selt meir enn 110 million eksemplar.

Kjelder

• Denne artikkelen er basert på ei omsetjing av artikkelen The Sims frå Engelsk Wikipedia .

Wikipedia på engelsk oppgav desse kjeldene: