Thorbjørn Frølich

Frå Wikipedia – det frie oppslagsverket
Thorbjørn Frølich
Statsborgarskap Noreg
Fødd 7. oktober 1848
Død

12. november 1938 (90 år)

Yrke prest
Religion Den evangelisk-lutherske kyrkja
Far Fritz Heinrich Frølich

Thorbjørn Justus Steger Frølich (7. oktober 184812. november 1938) var ein norsk prest, politikar og forfattar, fødd i Christiania. Forretningsmannen Fritz H. Frølich var far hans, medan Henrik og Georg Frølich var to eldre brør.

Frølich vart student frå Nissens skole i Kristiania i 1868 og cand. theol. i 1873. År 1875 vart han styrar ved den private jenteskulen på Lillehammer, der han også heldt kortare kurs for vaksne kvinner. Frå 1881 til -92 var han sokneprest i Masfjorden, dei neste ni åra hadde han same embetet i Ådalen i Buskerud. Medan han var i Masfjorden var han ordførar 1884-89, der han var ein føregangsmann både i hagebruk, jordbruk og for opplysingsarbeidet. Elles var han forlikskommissær 1885-87 og valmann 1882-88. Både på valtinget i 1882 og i 1885 kom han på varamannsplass til Stortinget, som ihuga venstremann.

Frå 1901 var Frølich forfattar og dreiv ulike vitskaplege studiar. I 1905 var han formann i den republikanske setralkomiteen og i Norges Fredsforening. Frå 1908 hadde han statsstipend, noko som mellom anna resulterte i fembandsverket F. H. Frølich og hans samtid (1912-39). Andre lokalhistoriske verk handla om Lillehammer og om Masfjorden.

Verk[endre | endre wikiteksten]

  • Norsk grammatik. 1904
  • Læseregler. 1904
  • Havebog for hvert Hjem. 1904
  • Lillehammer, særlig i 1870-aarene : en skitse. 1905
  • Det Norske jernbanevesens grundleggelse gjennem anlegget af Eidsvoldbanen ("norsk hovedjernbane") I: "Statsøkonomisk tidsskrift" for 1912
  • F.H. Frølich og hans samtid : Næringslivets reisning i Norge i midten av det nittende aarhundrede : Dens forutsætning og resultat : Norsk næringsliv gjennem 100 aar. 6 bind, i alt 1.600 sider. 1912-1939 (Digitalt: bind 1, bind 2, bind 3, bind 3:1 Norges hovedstad)
  • Lillehammer : 1827-1918 : et Henblik. 1917
  • Fjon eller Masfjorden i Hordaland fylke. 1924
  • Frølichiana: sogneprest Thorbjørn Frølichs trykte og utrykte skrifter. 1927 (bibliografi)
  • En indvandring : utsyn. 1927. (Tilleggsheftet Begrænset oversikt utgitt 1929)

Kjelder[endre | endre wikiteksten]

  • Norsk Allkunnebok, IV. bandet, 1953
  • Lindstøl, Tallak:Stortinget og Statsraadet 1814-1914. Kristiania, 1914