Thorleif Haug

Thorleif Haug
Statsborgarskap	Noreg
Fødd	28. september 1894 Lier
Død	12. desember 1934 (40 år) Drammen kommune
Idrett	kombinert, skihopping, langrenn
Tok del i	Langrenn under Vinter-OL 1924 – 18 kilometer herrer, Langrenn under Vinter-OL 1924 – 50 kilometer herrer, Nordic combined at the 1924 Winter Olympics
Utmerkingar	Holmenkollmedaljen

Thorleif Haug (28. september 1894–12. desember 1934) var ein norsk skilaupar fødd i Lier. Han vert halden for å ha vore den beste skilauparen i verda rundt 1920 og då dominerte han i både langrenn og kombinert, attåt at han gjorde seg gjeldande i hopp. I dei fyrste olympiske vinterleikane i 1924 i Chamonix tok han tre gullmedaljar (18 km, 50 km og kombinert). Haug vann femmila i Holmenkollrenna heile seks gonger, noko ingen andre har klart verken før eller seinare. I 1919, 1920 og 1921 vann han både kombinerttevlinga og 5-mila. I 1919 fekk han Holmenkollmedaljen saman med Otto Aasen. Thorleif Haug var medlem i Drafn. Av yrke var han røyrleggjar. Han døydde av lungebrann berre førti år gammal. I 1946 vart det sett opp ein statue av Haug i Drammen, denne er laga av bilethoggaren Per Palle Storm.

OL-medaljar

• 1924 Frankrike - Chamonix - Gull i langrenn 18 km
• 1924 Frankrike - Chamonix - Gull i langrenn 50 km
• 1924 Frankrike - Chamonix - Gull i kombinert

Bakgrunnsstoff

• «Thorleif Haug» (på engelsk). Olympedia. Henta 29. mars 2023.